28.07.2026 | 19:12
Ինֆանտինոյի և Թրամփի կապերը․ Կոնգրեսը սպասում է ՖԻՖԱ-ի ղեկավարի բացատրություններին
Թուրքիայում շուրջ 15 մլն մարդ տառապում է թերսնումից․ ՄԱԿ-ի զեկույց
Քաղաքականություն
08.06.2022 | 23:35
Թուրքիայի 82,3 միլիոն բնակչությունից, ընդհանուր առմամբ, 14,8 միլիոնը տառապում է թերսնումից։ Այս մասին ասվում է ՄԱԿ-ի Պարենի համաշխարհային ծրագրի Hunger Map-ում, գրում են թուրքական լրատվամիջոցները։
Քարտեզը ցույց է տալիս, որ Թուրքիայում թերսնումից տառապողների թիվը վերջին երեք ամսում աճել է 410,000-ով, իսկ վերջին ամսում՝ 50,000-ով։
Ըստ քարտեզի՝ երկրում մինչև 5 տարեկան երեխաների մոտ 1,7 տոկոսը բախվում է սուր թերսնման հետ, իսկ երեխաների 6 տոկոսը զգում է քրոնիկ թերսնուցում:
Այս տվյալներն ի հայտ են գալիս այն ժամանակ, երբ Թուրքիայում գնաճը 1998 թվականից ի վեր ամենաբարձր մակարդակին է հասել՝ 73,5 տոկոսի։ Երկիրը պայքարում է սննդի և էներգիայի թանկացման ու նախագահ Ռեջեփ Թայիփ Էրդողանի անսովոր դրամավարկային քաղաքականության հետ։
Թուրքիայի վիճակագրական ինստիտուտի տվյալներով՝ տարեկան կտրվածքով պարենի գներն աճել են 91,6 տոկոսով։
ՄԱԿ-ի քարտեզի համաձայն՝ Թուրքիայի հարավարևելյան քրդաբնակ Շըրնաք նահանգում գրանցվել է թերսնման ամենաբարձր ցուցանիշը՝ 20,25 տոկոս։
Էմմա Չոբանյան
