28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Մենք համապատասխան ձայները կապահովենք, որ Փաշինյանը դառնա վարչապետ. Էդուարդ Շարմազանով. ՏԵՍԱՆՅՈՒԹ
Քաղաքականություն
07.05.2018 | 18:01
Քիչ առաջ ՀՀԿ ԳՄ և ԱԺ խմբակցության համատեղ նիստից հետո, որին մասնակցում էր նաև Սերժ Սարգսյանը, ՀՀԿ խոսնակ Էդուարդ Շարմազանովը լրագրողներին հավաստիացրեց, որ վաղը ՀՀԿ-ն կապահովի համապատասխան ձայներ՝ Նիկոլ Փաշինյանի վարչապետ ընտրվելու համար։
«Մենք՝ որպես կուսակցություն, մնում ենք մեր սկզբունքային կարծիքին։ Միևնույն ժամանակ մենք օժանդակելու ենք պատգամավորների 1/3-ի ստորագրությունն ունեցող վարչապետի թեկնածուին՝ տվյալ դեպքում Նիկոլ Փաշինյանին»,- ասաց Շարմազանովը՝ շարունակելով․ «Եթե չեմ սխալվում, Փաշինյանի օգտին հավաքվել է 41 ստորագրություն, և ՀՀԿ-ն համապատասխան ձայներով կապահովի, որ մենք ունենանք վարչապետ»։ ՀՀԿ խոսնակը վստահեցրեց, որ դա եղել է կուսակցության և խմբակցության որոշմամբ։
«Մենք ենք հորդորել այդ պատգամավորներին, որ կողմ քվեարկեն։ Որևէ կուսակցության բաժանում չկա, սա մեր միասնական որոշումն է։ 45 ձայն իրենք ունեն, մենք կապահովենք, որ վաղը լինի վարչապետ»,-եզրափակեց ՀՀԿ խոսնակը։
Անդրադառնալով ՀՀԿ ԳՄ նիստի ժամանակ տեղի ունեցած վիճաբանությանը, որի ձայները լսելի էին եղել դրսում կանգնած լրագրողների համար, Շարմազանովը հայտարարեց, որ որևէ վիճաբանության ինքը ներկա չի եղել և ոչ էլ լսել է, դրա մասին կարդացել է կայքերում։
