18.05.2026 | 17:16
«Ռադդ քաշի՛, համբալի մեկը»․ թեժ լեզվակռիվ Փաշինյանի և Արթուր Օսիպյանի միջև․ ՏԵՍԱՆՅՈՒԹ
Ադրբեջանի բանտերում, ի նշան ոստիկանության խոշտանգումների դեմ բողոքի, բանտարկյալները հացադուլ են սկսել
Քաղաքականություն
07.06.2022 | 18:24
Ադրբեջանի բանտերում կրոնական ակտիվիստները հացադուլ են սկսել։ «Թուրան» գործակալությունը հայտնում է, որ «Մահմեդական միասնություն» շարժման դատապարտված առաջնորդ Թալե Բագիրզադեի հացադուլին աջակցել են մի շարք այլ ակտիվիստներ։ Նրանք բողոքում են ոստիկանության կողմից խոշտանգումների դեմ։
Հացադուլավորներից Փոլադ Ասլանովի կնոջ խոսքով՝ իր ամուսինը հայտնել է, որ հունիսի 3-ից հացադուլ է սկսել ու հունիսի 6-ին այդ մասին պաշտոնապես տեղեկացրել է թիվ 1 գաղութի ղեկավարությանը։
«Երեկ ես ու Թալեն հեռախոսով խոսեցինք, հինգերորդ օրն է՝ հացադուլի մեջ է։ Միայն ջուր է խմում։ Ասում է, որ առայժմ իրեն լավ է զգում, բայց ձայնի մեջ լարվածություն կար. գաղութի վարչակազմը համառորեն պահանջում է դադարեցնել ակցիան, սակայն Թալեն մերժում է դա։ Չնայած հացադուլին՝ նրան չեն մեկուսացրել, նա մնում է սովորական խցում»,- պատմել է Բագիրզադեի կինը։
Այդ հաստատությունում հացադուլ է հայտարարել շարժման մեկ այլ անդամ՝ Ջաբբար Ջաբբարովը։ Գոբուստանի բանտում էլ հացադուլ է սկսել ակտիվիստ Աբբաս Հուսեյնովը։ Այս մասին հայտնել են նրա հարազատները։
Լրատվամիջոցը քրեակատարողական ծառայությունից այս հարցի վերաբերյալ մեկնաբանություն ստանալ չի կարողացել։
Հավելենք, որ մայիսի 23-ին կայացած մամուլի ասուլիսում ուժայինների խոշտանգումների և նրանց կողմից Աստծուն վիրավորելու մասին հայտարարել էին երկու կրոնական ակտիվիստներ, որոնք մայիսի 20-ին ձերբակալվել էին Բաքվի ծանր հանցագործությունների դատարանի շենքի մոտ։
Էմմա Չոբանյան
