28.02.2026 | 16:47
ՀՀ անվտանգության խորհրդի գրասենյակում քննարկվել է Մերձավոր Արևելքում ստեղծված իրավիճակը
Ապօրինի ծառահատման հետքերով. Գորիսի ոստիկանների բացահայտումը
Հասարակություն
07.06.2022 | 17:56
Հունիսի 3-ին, ժամը 15-ի սահմաններում, բնապահպանության և ընդերքի տեսչությունից ոստիկանության Գորիսի բաժին ահազանգ էր ստացվել, որ «Գորիս» անտառտնտեսության Շուռնուխի 3-րդ պահաբաժնում ծառ են ապօրինի հատում․ տեղեկացնում են ՀՀ ոստիկանությունից։
«Պահաբաժին մեկնած Գորիսի ոստիկանները հայտնաբերեցին փայտանյութով բեռնված «Զիլ» մակնիշի մեքենա: Տարածքում ևս փայտանյութ կար։
Պարզվել է ծառերը հատողի ինքնությունը, որը Սյունիքի մարզի 42-ամյա բնակիչ է։
Փաստի առթիվ նախապատրաստվում են նյութեր»,- ասված է հաղորդագրությունում։
