23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Վերաքննիչ և Վճռաբեկ դատարանները հնարավորություն չունեն հարցաքննել Առաջին ատյանում արդեն իսկ հարցաքննված վկային․ Դավիթ Գյուրջյան․ ՏԵՍԱՆՅՈՒԹ
Հասարակություն
07.06.2022 | 15:10
Մեկնարկել է «ՄԻԵԴ վճիռների կատարումը՝ որպես արդար դատաքննության իրավունքի երաշխիք» աշխատաժողովը։ Քննարկվում են Մարդու իրավունքների եվրոպական կոնվենցիայի 6-րդ հոդվածի խախտման վերաբերյալ Հայաստանի Հանրապետության նկատմամբ կայացված ՄԻԵԴ վճիռների կատարմանն առնչվող խնդիրները։
Փաստաբան Դավիթ Գյուրջյանն ընդգծեց, որ Վերաքննիչ և Վճռաբեկ դատարանները հնարավորություն չունեն հարցաքննել Առաջին ատյանում արդեն իսկ հարցաքննված վկաներին, ինչը լուրջ խնդիր է:
«Մի շարք հարցումներ են իրականացվել, որոնց արդյունքում պարզվել է, որ միջազգային պայմանագրերը գործնականում գրեթե չեն կիրառվում մասնավորապես 2021թ. դրությամբ արդարադատության նախարարության միջոցով որևէ հարցում չի իրականացվել միջազգային փոխօգնության պայմանագրի շրջանակներում, իսկ 2021-ին ընդամենը 6 հարցում է իրականացվել»,- նշեց Գյուրջյանը:
Ինչ վերաբերում է վկաներին հեռավար հարցաքննելու հնարավորությանը, փաստաբանի դիտարկմամբ, սա ևս մի միջոց կարող էր հանդիսանալ, որպեսզի պետությունը այլընտրանքային եղանակով կատարեր իր պարտականությունը և բացակայող վկաների հարցաքննությունը կազմակերպեր. «Սակայն, ցավոք, մինչ 2021թ. նման ընթացակարգն ընդհանրապես բացակայում էր Քրեական օրենսգրքում, 2021-ին որոշակի փոփոխություններ կատարվեցին և հնարավորություն ընձեռվեց միայն նախաքննության ընթացքում այս մեխանիզմը կիրառել»:
Մանրամասները՝ տեսանյութում:
