20.11.2024 | 09:31
ՀՀ տարածքում ավտոճանապարհներն անցանելի են
Չավուշօղլուն խոսել է արևելք-արևմուտք միջանցքի ռազմավարական նշանակության մասին
Քաղաքականություն
06.06.2022 | 22:28
Թուրքիայի արտգործնախարարը Մևլութ Չավուշողլուն հայտարարել է Անկարայում բարեկամ ու եղբայրական երկրների հետ դիվանագիտական հարաբերությունների հաստատման 30-ամյակին նվիրված ընդունելության ժամանակ հայտարարել է, որ Հարավային Կովկասի և Կենտրոնական Ասիայի զարգացմանը նպաստելը Թուրքիայի արտաքին քաղաքականության առաջնահերթությունն է։ Չավուշօղլու խոսքերն է փոխանցում Վրաստանի առաջին ալիքը։
«Առևտրի և ներդրումների ընդլայնման համար անհրաժեշտ է ամրապնդել Կովկասի և Կենտրոնական Ասիայի կապերը հարակից տարածաշրջանների հետ։ Այս համատեքստում Տրանսկասպյան Արևելք-Արևմուտք Միջին Միջանցքի վերաբերյալ մեր նախաձեռնությունը ռազմավարական նշանակություն ունի։ Մենք կշարունակենք քննարկել այդ հարցերը Ադրբեջանի, Վրաստանի և, ինչպես ասացի, Ղազախստանի, Թուրքմենստանի և Ուզբեկստանի հետ»,- ասել է Մևլութ Չավուշողլուն։
Միևնույն ժամանակ Չավուշողլուն նշել է, որ Թուրքիան հատկապես բարձր մակարդակի հարաբերություններ ունի Ադրբեջանի հետ։ Նրա խոսքով, Ադրբեջանի պատմական հողերի ապաօկուպացումը պայմաններ է ստեղծել Հարավային Կովկասում խաղաղության և երկարաժամկետ կայունության համար։
Թուրքիայի արտգործնախարարը գնահատել է նաև Արևելյան Եվրոպայի երկրների հետ հարաբերությունները, ինչպիսիք են Ուկրաինան, Բելառուսը և Մոլդովան՝ նշելով, որ այդ երկրների հետ հարաբերությունները գտնվում են գործընկերային մակարդակում։
Նրա խոսքով, լոգիստիկան և էներգետիկան, ի թիվս այլ ոլորտների, Թուրքիայի համար մնում են հաջող դաշտ՝ հետխորհրդային երկրների հետ հարաբերությունները զարգացնելու առումով։
Թուրքական լրատվամիջոցների փոխանցմամբ՝ Թուրքիայի արտգործնախարարն անդրադարձել է նաև Վրաստանի հետ ռազմավարական գործընկերության հարցին և նշել, որ առաջիկայում նախատեսվում է Վրաստանի արտգործնախարարի այցը Թուրքիա։
