13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Բաքուն Արցախի գրավյալ տարածքներում ականի վրա պայթելու հետևանքով տուժածների նոր տվյալներ է հայտնել
Քաղաքականություն
06.06.2022 | 22:51
Ադրբեջանն Արցախի գրավյալ տարածքներում ականի վրա պայթելու հետևանքով մահացածների ու վիրավորների նոր տվյալներ է ներկայացրել։ Մասնավորապես, ադրբեջանական լրատվամիջոցների փոխանցմամբ՝ 2020 թվականի նոյեմբերից ականի վրա պայթել է 223 մարդ, որից 39-ը մահացել է, 184-ը՝ վիրավորում ստացել։ Այս մասին հայտարարել է Ադրբեջանի ականազերծման գործակալության փոխնախագահ Սամիր Փոլադովը։
Նա նաև նշել է, որ անցյալ ժամանակահատվածում 32 հազար հեկտար տարածքում ականազերծվել է մոտ 60 հազար ական։
Ի դեպ, Փոլադովը չի ներկայացրել ականի վրա պայթելու հետևանքով մահացածների ու վիրավորների շրջանում զինվորականների և քաղաքացիական անձանց առանձին տվյալներ։
Էմմա Չոբանյան
