19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Հունաստանի երկնքում Թուրքիայի անօդաչուների թռիչքներն անցյալ շաբաթ շարունակվել են
Քաղաքականություն
06.06.2022 | 22:44
Հունաստանը հայտարարում է, որ Էգեյան ծովի հետ կապված Թուրքիայի հրահրիչ հռետորաբանության և ոտնձգությունների մեջ դադար չի եղել, և անցյալ ուրբաթ ևս անօդաչուներ են թռել Կանդելիուսայի վերևում․ հունական կղզի, որի ինքնիշխանությունն Անկարան վիճարկում է, գրում է ekathimerini-ն։
Միաժամանակ, Հունաստանի ԱԳ նախարար Նիկոս Դենդիասը հայտնել է իր իրավունքները պաշտպանելու՝ Աթենքի վճռականության մասին։
«Մենք վճռական ենք պաշտպանել մեր շահերը՝ հիմնվելով միջազգային իրավունքի, ծովի իրավունքի և ՄԱԿ-ի կանոնադրության վրա»,- ասել է Դենդիասը Բելգրադում իր սերբ գործընկեր Նիկոլա Սելակովիչի հետ բանակցություններից հետո, որը Սերբիայի աջակցությունն է հայտնել Հունաստանին։
Հունաստանի վճռականությունն արտահայտել է նաև պաշտպանության նախարար Նիկոս Պանագիոտոպուլոսը, որը նշել է, որ Թուրքիան չի համարձակվի ռազմական մարտահրավեր նետել Հունաստանին, քանի որ այն հետևանքներ կունենա։
Այնուամենայնիվ, թռիչքները շարունակվել են անցյալ ուրբաթ, երբ թուրքական անօդաչու թռչող սարքը երկու անգամ անցավ Կանդելիուսայի վրայով: Երկու թռիչքները բացահայտվել և կասեցվել են՝ միջազգային կանոններին համապատասխան։ Կանդելիուսայի երկնքում թռիչքներ են տեղի ունեցել նաև մայիսին, փետրվարին և հունվարին:
Էմմա Չոբանյան
