19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
ՄՊՀ-ն նախաձեռնել է չփաթեթավորված թռչնամսի իրացման ոլորտի բարեփոխումներ
Հասարակություն
06.06.2022 | 19:23
Մրցակցության պաշտպանության հանձնաժողովը մշակել և իրավական ակտերի նախագծերի հրապարակման միասնական կայքում հրապարակել է «Հայաստանի Հանրապետության կառավարության 2006 թվականի հոկտեմբերի 19-ի N 1560-Ն որոշման մեջ լրացումներ կատարելու մասին» Կառավարության որոշման նախագիծը, որը հասանելի է հետևյալ հղմամբ:
«Նախագծով, մասնավորապես, առաջարկվում է.
1) նախատեսել չփաթեթավորված թռչնամսի վերաբերյալ տեղեկատվության ընդհանուր հասանելիություն.
2) սահմանել սպառողի պահանջով չփաթեթավորված թռչնամսի վերաբերյալ տեղեկատվության տրամադրելու պահանջ։
Նախագիծը միտված է չփաթեթավորված թռչնամսի իրացման ոլորտում գործող տնտեսավարող սուբյեկտների գործունեության համար հավասար մրցակցային պայմանների ստեղծմանը, ինչպես նաև սպառողների շահերի արդյունավետ պաշտպանության ապահովմանը և բխում է Հանձնաժողովի կողմից թռչնամսի շրջանառության ոլորտում 2021 թվականին իրականացված ուսումնասիրության արդյունքներից, որոնք հասանելի են հետևյալ հղմամբ՝ http://competition.am/wp-content/uploads/2022/03/Trchnamis-2.pdf։
Կարևորելով բոլոր շահագրգիռ անձանց և մարմինների մասնակցությունը և նրանց հետ համագործակցությունը՝ առաջարկում ենք մինչև 2022 թվականի հունիսի 20-ը ներկայացնել Նախագծի վերաբերյալ դիտողություններ և առաջարկություններ»,- ասված է հաղորդագրությունում։
