20.08.2026 | 09:40
ՀՀ տարածքում ավտոճանապարհներն անցանելի են
Քարվաճառում ադրբեջանցի զինծառայողը կյանքին վերջ է տվել
Քաղաքականություն
06.06.2022 | 23:30
Ադրբեջանի զինված ուժերում մահվան հերթական դեպքն է գրանցվել։ Մասնավորապես, Ադրբեջանի ՊՆ-ի հաղորդմամբ՝ զինծառայող Սաիդ Աբդուլլազադեն ինքնասպանություն է գործել՝ ինքնաձիգից կրակելով իր վրա, գրում են տեղական լրատվամիջոցները։
Հաղորդվում է, որ նա ծառայել է Արցախի գրավյալ Քարվաճառում։ Դեպքի առթիվ կատարվում է քննություն։
Հավելենք, որ Ադրբեջանի բանակում բավական հաճախ են ինքնասպանության դեպքեր տեղի ունենում։ Մայիսի 27-ին էլ Ադրբեջանի ՊՆ-ն հայտնել էր, որ գրավյակ Լաչինի շրջանում «ոչ մարտական պայմաններում տեղի ունեցած դժբախտ պատահարի» հետևանքով մահացել է ադրբեջանական բանակի զինծառայող Մեհրալի Մամեդովը։
Բացի այդ, Արցախյան 44-օրյա պատերազմի մասնակիցների շրջանում են պարբերաբար ինքնասպանությունների դեպքեր գրանցվում։ Ընդհանուր առմամբ, 30-ից ավելի պատերազմի մասնակից ադրբեջանցի է ինքնասպան եղել։
Էմմա Չոբանյան
