10.10.2026 | 18:45
Քննարկվել են Հայաստան–Կորեա համագործակցությանն առնչվող հարցեր
Էրդողանը հայտարարել է, թե իր դեմ հարձակումները հավասար են Թուրքիայի դեմ հարձակումներին
Քաղաքականություն
06.06.2022 | 16:37
Բոլոր նրանց իրական թիրախը, որոնք ճնշում են իշխող «Արդարություն և զարգացում» կուսակցությանը կամ հենց նրա ղեկավար Ռեջեփ Թայիփ Էրդողանին, Թուրքիան է։ Այս մասին հայտարարել է Թուրքիայի նախագահ Ռեջեփ Թայիփ Էրդողանը ԱԶԿ-ի 30-րդ խորհրդատվական ու գնահատման արարողության փակման ժամանակ ունեցած ելույթում, գրում են տեղական լրատվամիջոցները։
«Ով այս աշխարհում հարձակվում է ձեր այս եղբոր վրա, իրականում հարձակվում է հենց Թուրքիայի վրա։ Կան մի խումբ մարդիկ, որոնք ամենատարբեր ստեր են ասում Էրդողանի և ԱԶԿ-ի մասի, մյուս մասն էլ պատրաստ է հավատալ բոլոր ստերերին իմ անձի, ԱԶԿ-ի և կադրերի մասին։ Նրանք, որոնց անհանգստացնում է մեծ և ուժեղ Թուրքիայի մեր նպատակը, թիրախավորում են մեզ ու մեր կառավարությանը, չեն կարողանում համակերպվել այն մակարդակի հետ, որին մեր երկիրը հասել է»,- ասել է Էրդողանը։
Նա նշել է, թե ԱԶԿ-ն շարունակելու է իր քաղաքականությունը՝ պահպանելով «Թուրքիայի արժանապատիվ դիրքորոշումը Սիրիայից մինչև Իրաք, Սև ծովից մինչև Միջերկրական ծով»։
Էրդողանը նաև հայտնել է, որ Թուրքիան չի փոխի իր դիրքորոշումը Շվեդիայի և Ֆինլանդիայի՝ ՆԱՏՕ-ին անդամակցելու հարցում։
«Բոլոր նրանք, որոնք մեզ խորհուրդ են տալիս ճկուն լինել ՆԱՏՕ-ի ընդլայնման հարցում, երբեք կասկածի տակ չեն դրել իրենց հարաբերություններն ահաբեկչական կազմակերպությունների հետ, ինչն ապացուցում է, թե որքան ճիշտ է մեր վճռական դիրքորոշումը։ Եթե այն ակնկալիքները, որոնց մասին մենք հայտնել ենք մեր զրուցակիցներին, չբավարարվեն, մենք չեն փոխի մեր դիրքորոշումը»,- ասել է Թուրքիայի նախագահը։
Հիշեցնենք, որ Շվեդիան և Ֆինլանդիան դիմել են ՆԱՏՕ-ի անդամակցության համար, սակայն Թուրքիան դեմ է ու մի շարք պահանջներ է առաջ քաշում՝ նրանց մեղադրելով քուրդ «ահաբեկիչներին» աջակցելու մեջ։
Բացի այդ, Էրդողանը նաև նշել է, թե Ուկրաինայի պատերազմը փաստականների առումով խուճապ է առաջացրել Եվրոպայում, մինչդեռ, ըստ նրա, Թուրքիան 11 տարի հաջողությամբ կառավարում է երկրում անօրինական միգրացիան։
Էմմա Չոբանյան
