06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Տուգանքի չափը մեծացնելու կարիք կա, սննդամթերքի անվտանգության ոլորտի խնդիրները բազմաթիվ են․ ՍԱՏՄ պետ
Տնտեսություն
06.06.2022 | 11:03
«Առողջ սնունդն է առողջ ապրելակերպի և առողջ սերունդ ունենալու գրավականը»,- այս մասին նշեց ՍԱՏՄ սննդամթերքի անվտանգության վարչության պետ Վահե Դանիելյանը «Սննդամթերքի անվտանգության համաշխարհային օրվան ընդառաջ. ոլորտի խնդիրները, վերահսկողական աշխատանքները, ակնկալվող փոփոխությունները» թեմայով ասուլիսում:
ՍԱՏՄ սննդամթերքի անվտանգության վարչության պետի դիտարկմամբ՝ սննդամթերքի անվտանգության ոլորտի խնդիրները բազմաթիվ են:
«Կան խնդիրներ, որոնք գլոբալ նշանակություն ունեն և սննդամթերքի անվտանգությունը վերահսկող և օրենսդիր մարմինների՝ ՄԱԿ-ի, Կոդեքս Ալիմենտարիուսի հանձնաժողովի հետ ենք փորձում այդ խնդիրները լուծել, և ունենք լոկալ խնդիրներ, որոնք պետք է լուծենք մեր երկրում միացյալ ուժերով»,- նշեց Դանիելյանը:
«Անցած տարի 60-ից ավելի տնտեսվարողների գործուենության կասեցման որոշում ենք կայացրել: Այն տնտեսվարողների մոտ, որտեղ արձանագրում ենք անհամապատասխանություններ և կիրառում ենք սահմանափակումներ, հետևողական ենք լինում, որպեսզի վերացվեն անհամապատասխանությունները, հետո նոր թույլատրում ենք վերսկսել գործունեությունը»,- նշեց ՍԱՏՄ սննդամթերքի անվտանգության վարչության պետը՝ հավելելով, որ խախտումների դեպքում՝ տեսչական մարմինը օրենքով սահմանված կարգով պատասխանատվության է ենթարկում տնտեսվարողներին:
: Վահե Դանիելյանի կարծիքով՝ թեպետ տնտեսվարողների շրջանում բացթողումները շտկելու պատրաստակամություն ու միտում է նկատվում, սակայն տուգանքի չափի վերանայման անհրաժեշտություն կա:
«Շատ դեպքերում 100 հազար դրամն այն միջոցը չէ, որը կարող է քաղաքացուն սթափեցնել ՝ հաշվի առնելով սննդամթերքի անվտանգության ոլորտում առկա ռիսկերը: Մենք առաջնորդվում ենք ոչ այնքան տուգանքներ նշանակելով, փորձում ենք այլ միջոցներով հասնել խնդիրները վերացնելուն, սակայն կարծում եմ, որ տուգանքի չափի վերանայման անհրաժեշտություն կա»,-ասաց Վահե Դանիելյանը:
Տեսչական մարմնի ներկայացուցիչն ընդգծեց նաև, որ ոլորտին առնչվող օրենսդրության փոփոխության անհրաժեշտություն է տեսնում՝ վերանայելով վերահսկողական որոշ կարգավորումներ: Նրա խոսքով՝ կան կարգավորումներ, որոնք թույլ չեն տալիս լիարժեք վերահսկողություն իրականացնել:
Մանրամասները՝ տեսանյութում:
