17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
ՆԱՏՕ-ն զորավարժություններ է անցկացնում Ռումինիայում՝ Ուկրաինայի սահմանից ոչ հեռու
Քաղաքականություն
03.06.2022 | 18:45
Ռումինիայի, ինչպես նաև ՆԱՏՕ-ի հինգ եվրոպական այլ երկրների ու ԱՄՆ-ի զինվորականներ մասնակցում են ռումինական Սմիրդան բնակավայրում (Գալացի գավառ) ՆԱՏՕ-ի Կենտրոնում ընթացող միջազգային վարժանքներին: «Արմենպրես»-ի փոխանցմամբ՝ այս մասին հայտնում է Ռումինիայի ռադիոն։
«Միջազգային զորավարժությունների ընթացքում այսօր տեղի կունենա նախապատրաստման սեգմենտը, որի ժամանակ ՆԱՏՕ-ի զինվորականները կօգտագործեն ցամաքային և օդային մարտական տեխնիկա։ Այդ միջազգային վարժանքներին, որոնք մայիսի 24-ից տեղի են ունենում Սմիրդանի Մարտական պատրաստության կենտրոնում, մասնակցում են ավելի քան հազար ռումինացի զինվորականներ՝ Ֆրանսիայից, Բելգիայից, Բուլղարիայից, Իտալիայից, Պորտուգալիայից եւ ԱՄՆ-ից ժամանած զինվորականների հետ»,- նշված է հաղորդագրության մեջ:
Ռադիոկայանը նշում է, որ զորավարժությունների նպատակն է «փոխգործակցության մակարդակի բարձրացումը հրամանատարական վարժանքների միջոցով՝ համակարգիչների, տարածքում զորքերի զորաշարժերի եւ մարտական հրաձգություններով մարտավարական պատրաստության օգտագործմամբ։
Այս վարժանքների ընթացքում «Հարավ-Արեելք» բազմազգ բրիգադի հրամանատարությունը կատարալագործում է ՆԱՏՕ-ի հարավարևելյան տարածաշրջանում տեղաբաշխված ուժերի գլխավորման ունակությունը: Ըստ զանգվածային լրատվամիջոցների՝ խոսքը Scorpions Legacy-2022 ամենամյա զինավարժանքների մասին է, որոնց մասշտաբն այս տարի զգալիորեն մեծացվել Է:
Նշենք, որ Սմիրդան բնակավայրը գտնվում է Ուկրաինայի սահմանից 25 կիլոմետր և Մոլդովայի սահմանից 10 կիլոմետր հեռավորության վրա։
