15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Երևանը մինչև դեկտեմբեր ևս 150 նոր ավտոբուս կունենա․ հաջորդ շաբաթ մրցույթ կհայտարարվի․ քաղաքապետ․ ՏԵՍԱՆՅՈՒԹ
Տնտեսություն
03.06.2022 | 17:10
Ակնկալվում է, որ մինչև այս տարվա վերջ Երևան կհասնի 150 նոր ավտոբուս: Այս մասին հայտարարել է Երևանի քաղաքապետ Հրաչյա Սարգսյանը՝ ԱԺ-ում լրագրողների հետ զրույցում:
«Այս պահի դրությամբ խնդիր ունենք: Հիմա քաղաքում հիմնականում կապույտ ավտոբուսներն են երթևեկում, մանուշակագույն ավտոբուսների պահեստամասերի ձեռքբերման հետ կապված մրցույթը չի կայանում: Բայց, կարծում եմ, մոտ ժամանակում մենք որոշում կունենանք և որոշման համաձայն պահեստամասերը ձեռք կբերենք, և մանուշակագույն ավտոբուսները նույնպես կերթևեկեն, դրանց քանակն ավելի շատ կլինի: Ինչպես նաև հաջորդ շաբաթ նախատեսում ենք 8.6-մետրանոց 150 ավտոբուսների մրցույթ հայտարարել և ակնկալում ենք, որ մինչև դեկտեմբերի 30-ը այդ ավտոբուսները կլինեն Երևանում»,- նշեց քաղաքապետը:
Սարգսյանը հիշեցրեց, որ մեկ ամիս առաջ պայմանագիր են ստորագրել 12 մետրանոց ավտոբուսներ ձեռք բերելու համար: Ժամկետը 2023թ․ մարտ-ապրիլ ամիսներն են:
Մանրամասները՝ տեսանյութում:
