18.08.2026 | 10:44
Էրդողանը Դոնալդ Թրամփի հետ ԱՄՆ-Իրան հակամարտությունն է քննարկել
Հայ-ադրբեջանական ևս մեկ երկկողմ հանձնաժողով է ստեղծվելու. ԱԳ փոխնախարարը մանրամասնում է. ՏԵՍԱՆՅՈւԹ
Քաղաքականություն
01.06.2022 | 22:10
ՀՀ արտաքին գործերի նախարարի տեղակալ Պարույր Հովհաննիսյանն այսօր Factor TV-ին տված հարցազրույցում հայտնել է, որ տրանսպորտային ուղիների և սահմանազատման հարցերով զբաղվող հայ-ադրբեջանական հանձնաժողովներից զատ՝ անհրաժեշտություն կա ստեղծել ևս մեկ երկկողմ հանձնաժողով:
Ըստ Պարույր Հովհաննիսյանի՝ թվով երրորդ հանձնաժողովը պետք է զբաղվի Հայաստանի և Ադրբեջանի միջև խաղաղության պայմանագրի կնքման շուրջ բանակցություններով: Նրա փոխանցմամբ՝ այս հանձնաժողովի աշխատանքների շրջանակում քննարկելու են ադրբեջանական կողմի 5 և հայկական կողմի 6 կետերը:
«Պայմանագրի շուրջ բանակցությունները դեռևս չեն մեկնարկել: Երկու կողմերից ներկայացվել են առաջարկներ, որպեսզի ձևավորվեն բանակցային թիմեր, և տեղի ունենա առաջին հանդիպումը»,-ասաց նա:
Հիշեցնենք՝ 44-օրյա պատերազմից հետո Հայաստանում և Ադրբեջանում արդեն երկու հանձնաժողով է ստեղծվել, որոնք զբաղվում են տրանսպորտային ուղիների ապաշրջափակման և սահմանագծման գործընթացներով:
Մանրամասները՝ տեսանյութում:
Նարեկ Կիրակոսյան
