17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
ԱՄՆ-ը դեմ է ցանկացած էսկալացիայի․ Բլինքենն արձագանքել է Սիրիայում նոր հարձակման մասին Էրդողանի հայտարարություններին
Քաղաքականություն
01.06.2022 | 21:20
ԱՄՆ-ը դեմ է Սիրիայում ցանկացած էսկալացիայի, որը կխաթարի տարածաշրջանում կայունությունը։ Այս մասին հայտարարել է ԱՄՆ պետքարտուղար Էնթոնի Բլինքենը՝ մեկնաբանելով Թուրքիայի նոր ռազմական գործողության հնարավորությունը Սիրիայում, գրում է ՌԻԱ Նովոստին։ ՌԻԱ Նովոստին։
«Մենք դեմ ենք Սիրիայի հյուսիսում ցանկացած էսկալացիայի»,- հայտարարել է Բլինքենը։
Նա նշել է, որ ԱՄՆ-ը մտավախություն ունի, որ «ցանկացած հարձակողական գործողություն կխաթարի տարածաշրջանային կայունությունը» և «հարձակվողներին հնարավորություն կտա օգտագործել անկայունությունը՝ ելնելով իրենց շահերից»։
«Գործընկերների հետ համատեղ մենք շարունակում ենք արդյունավետ կերպով դիմակայել ԻԼԻՊ-ին Սիրիայում։ Մենք չենք ցանկանում, որ տեղի ունենա մի բան, որը կարող է խաթարել դրան ուղղված ջանքերը, որպեզի ԻԼԻՊ-ը պահվի այն սահմաններում, որում մենք նրանց դրել ենք»,- ասել է Բլինքենը։
Հիշեցնենք՝ Թուրքիայի նախագահ Ռեջեփ Թայիփ Էրդողանն այսօր հայտարարել էր Սիրիայում նոր ռազմական գործողություն սկսելու մասին։
«Սիրիայում սկսվում է «անվտանգությա գոտու» ձևավորման նոր փուլ՝ Թուրքիայի սահմանից 30 կմ խորությամբ։ Մենք մաքրում ենք Թալլ-Ռիֆաթն ու Մանբիջը ահաբեկիչներից»,- ասել էր Էրդողանը։
Էմմա Չոբանյան
