07.02.2026 | 00:13
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Թուրքիայում գնաճը կարագանա՝ հասնելով նոր աննախադեպ մակարդակի՝ ավելի քան 80%-ի
Քաղաքականություն
31.05.2022 | 23:03
Թուրքիայում սպառողական գնաճի մակարդակը մայիսին կբարձրանա մինչև ավելի քան 80 տոկոսի։ Այս մասին գրել է սյունակագիր Ալաթթին Աքթաշը, փոխանցում է «Ահվալ» գործակալությունը։
Աքթաշն իր հրապարակման մեջ նշում է, որ գնաճն ապրիլի 70 տոկոսից կարագանա՝ կապված սննդամթերքի, հագուստի, ռեստորանների և հյուրանոցների ծառայությունների գների աճի հետ։ Ըստ նրա՝ ամսական կտրվածքով գները, հավանաբար, աճել են 7,5 տոկոսով։
Հրապարակման հեղինակը նշում է, որ պարենային ապրանքների գները, որոնք կազմում են գնաճի ընդհանուր ցուցանիշի մոտ քառորդ մասը, այս ամիս, ապրիլի համեմատ, աճել են 14 տոկոսով՝ տարեկան աճը հասցնելով 115 տոկոսի։ Ըստ նրա՝ պարենային ապրանքների գների մակարդակի պատճառով է, որ թուրքերը չեն հավատում գնաճի պաշտոնական ընդհանուր տվյալների ճշգրտությանը։
Մասնագետի կարծիքով՝ հագուստի գները, որոնք ընդհանուր ինդեքսում կազմում են 6,4 տոկոս, հավանաբար, բարձրացել են ամսական 25 տոկոսով, մինչդեռ ռեստորանների և հյուրանոցների ծառայությունների գներն աճել են 10 տոկոսով։
Հավելենք, որ Թուրքիայում տնտեսական ճգնաժամի պայմաններում գնաճը վերջին 20 տարիների ամենաբարձր մակարդակին է հասել։
Էմմա Չոբանյան
