28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Ֆրանսիան աջակցում է Ադրբեջանի և Հայաստանի միջև խաղաղության համաձայնագրի կնքմանը, հարաբերությունների կարգավորմանը․ Մակրոնը՝ Ալիևին
Քաղաքականություն
31.05.2022 | 18:43
Ֆրանսիայի նախագահ Էմանուել Մակրոնը շնորհավորական ուղերձ է հղել Ադրբեջանի նախագահ Իլհամ Ալիևին Անկախության տոնի առթիվ, որը նշվում է մայիսի 28-ին։
Ադրբեջանական լրատվականների հաղորդմամբ՝ Մակրոնն իր ուղերձում անդրադարձել է նաև Հայաստանի հետ հարաբերություններին և աջակցություն հայտնել հայ-ադրբեջանական հարաբերությունների բարելավման գործընթացին։
«Ես վերահաստատում եմ Ֆրանսիայի անսասան հանձնառությունը Ադրբեջանի և Հայաստանի միջև խաղաղության համաձայնագրի կնքմանը և հարաբերությունների կարգավորմանը։ Դուք կարող եք համոզված լինել, որ ես աջակցում եմ վերջին ամիսներին նկատվող դրական դինամիկային՝ ինչպես Ադրբեջանի ու Հայաստանի միջև ԱԳ նախարարների մակարդակով ուղիղ շփումների հաստատման, ինչպես նաև սահմանային հարցերով երկկողմ հանձնաժողովի ստեղծման հարցում։ Վստահության մթնոլորտի ստեղծումը կարևոր է տարածաշրջանում խաղաղության հաստատման համար»,- նշել է Մակրոնը։
Էմմա Չոբանյան
