20.08.2026 | 11:49
ՔՊ-ն որոշել է Արեգա Հովսեփյանին և Հայկ Ֆարմանյանին չընտրել հանձնաժողովի նախագահներ
Կանադան պատժամիջոցներ է կիրառել Կաբաևայի ու ևս երկու տասնյակ ռուսների դեմ
Քաղաքականություն
31.05.2022 | 22:27
Կանադայի իշխանությունները պատժամիջոցների ցուցակում ներառել են Ռուսաստանի ևս 4 ընկերություն և 22 ֆիզիկական անձի։ Այս մասին ասված է Կանադայի կառավարության կայքում հրապարակված հաղորդագրությունում։
Մասնավորապես, պատժամիջոցների ցուցակում ներառվել է օլիմպիական չեմպիոն Ալինա Կաբաևան, ինչպես նաև «Ռոսսելխոզբանկ»-ն ու «Ինվեստտորգբանկ»-ը։
Պատժամիջոցների ցուցակներում հայտնվելը նշանակում է Կանադայում հնարավոր ակտիվների սառեցում և երկիր մուտքի արգելք։ Ավելի վաղ Կանադայի ԱԳՆ-ի հայտարարության մեջ նշվում էր, որ 2022 թվականի փետրվարի 24-ից, կապված Ուկրաինայում իրավիճակի հետ, Օտտավան արդեն ավելացրել է Ռուսաստանի Դաշնության, Բելառուսի և Ուկրաինայի ավելի քան հազար ֆիզիկական և իրավաբանական անձանց պատժամիջոցների ցուցակները։
Ինչպես բազմիցս ընդգծել է գերատեսչության ղեկավար Մելանի Ջոլին՝ Կանադան մտադիր է շարունակել Մոսկվայի դեմ պատժամիջոցների քաղաքականությունը Ուկրաինայում ստեղծված իրավիճակի պատճառով։
Տաթև Ֆռանգյան
