26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Ալիևն ու ԱՄՆ Պետքարտուղարության պաշտոնյան քննարկել են Ադրբեջանից Եվրոպա գազի մատակարարման ավելացման հարցը
Քաղաքականություն
31.05.2022 | 17:06
Ադրբեջանի նախագահ Իլհամ Ալիևն ընդունել է ԱՄՆ պետքարտուղարի օգնականի՝ էներգետիկայի հարցերով տեղակալ Լաուրա Լոհմանին, գրում են ադրբեջանական լրատվամիջոցները։
Նշվում է, որ զրույցի ընթացքում անդրադարձ է կատարվել Հարավային գազային միջանցքի գործունեությանը։ Ընդգծվել է Ադրբեջանի դերը Եվրոպայի էներգետիկ անվտանգության և գազի մատակարարումների դիվերսիֆիկացման գործում։ Կողմերը մտքեր են փոխանակել Ադրբեջանից Եվրոպա գազի արտահանման ավելացման հնարավորության շուրջ։
Ալիևն ու Լոհմանը նաև նշել են հաջող զարգացող ադրբեջանա-ամերիկյան հարաբերությունները տարբեր ոլորտներում։ Ալիևը բարձր է գնահատել Վաշինգտոնի մշտական աջակցությունը Բաքվին գլոբալ էներգետիկ նախագծերի իրականացման գործում։
Հանդիպմանը կողմերը քննարկել են Ադրբեջանում էլեկտրաէներգիայի և վերականգնվող էներգիայի աղբյուրների ոլորտում իրականացվող լայնածավալ աշխատանքը։
Էմմա Չոբանյան
