13.11.2026 | 20:49
«Պալաչ» մականունով հայտնի Արթուր Հարությունյանը կմասնակցի Աբովյանի ընտրություններին. 4 ուժ քաղաքական հայտ է ներկայացրել
Կոչ ենք անում փոխանցել իշխանության բոլոր լծակները ժողովրդի առաջնորդ Նիկոլ Փաշինյանին. Ռուսաստանի հայերի միություն
Քաղաքականություն
04.05.2018 | 15:02
Վերջին օրերին, երբ Նիկոլ Փաշինյանի՝ վարչապետի թեկնածությանն աջակցելու մասին հայտարարություն արեց նաև Հանրապետական կուսակցությունը, Ռուսաստանի հայերի միությունը հանդես եկավ ժողովրդի թեկնածուին իշխանության բոլոր լծակները փոխանցելու կոչով:
Հայտարարությունն ամբողջությամբ՝ ստորև.
Ռուսաստանի Հայերի միությունը կտրականապես դեմ է որեւէ գործողությանը, որը կարող է բերել լարվածության աճին Հայաստանում:
Այս առնչությամբ մենք կոչ են անում երկրի փաստացի ղեկավարներին ականջալուր լինել ժողովրդի թեկնածուին եւ փոխանցել իշխանության բոլոր լծակները ժողովրդի առաջնորդ Նիկոլ Փաշինյանին: Այդ արարքը կլինի վառ ապացույցն այն բանի, որ Հայաստանում անհնար է, որ տեղ գտնեն այնպիսի սցենարներ, որպիսիք եղան Ուկրաինայում, Լիբիայում եւ այլ երկրներում:
Մենք հավատում ենք, որ Նիկոլ Փաշինյանը կպահպանի իր խոստումը եւ կվերականգնի ժողովրդավարությունը Հայաստանում:
Մենք հավատում ենք, որ հետայսու այլեւս ահնարին կլինի իշխանության անփոխարինելիությունը:
Մենք հավատում ենք, որ նոր ղեկավարը կվերականգնի Հայաստանի քաղաքացիների իրավունքները, որոնք ապրում են արտասահմանում, մասնակցել քվեարկություններին:
Հեղափոխությունը Հայաստանում չունի անուն ըստ գույների: Այն Հայկական հեղափոխություն է, որը ժողովրդի ձայնն է, որին երկար ժամանակ, որեւէ մեկը չի ցանկացել ականջալուր լինել:
Մենք, Ռուսաստանի Հայերի միության անդամներս, պատրաստ ենք ամեն կերպ աջակցել Հայ ժողովրդին: Մեզանից շատերը արդեն Հայաստանում են: Արա քո քայլը, փոխիր համակարգը:
