20.08.2026 | 11:49
ՔՊ-ն որոշել է Արեգա Հովսեփյանին և Հայկ Ֆարմանյանին չընտրել հանձնաժողովի նախագահներ
Ադրբեջանը երկրում հավատարմագրված շուրջ 80 դիվանագետների և ռազմական կցորդների Քարվաճառ է տարել. ո՞ր երկրների դեսպաններն են այցելել
Քաղաքականություն
31.05.2022 | 21:29
Ադրբեջանը հերթական քարոզչական այցն է կազմակերպել Արցախի գրավյալ տարածքներ, այս անգամ՝ արդեն Քարվաճառ։ Ադրբեջանական լրատվամիջոցների հաղորդմամբ՝ ուղևորությանը մասնակցում են Բաքվում հավատարմագրված դիվանագիտական կորպուսների ներկայացուցիչները։
Նշվում է, որ Քարավաճառ են այցելել ավելի քան 50 երկրի ու 10 միջազգային կազմակերպությունների ավելի քան 80 դիվանագետներ և ռազմական կցորդներ։
Այցի մասնակիցները ծանոթացել են Մռավով անցնող թունելի կառուցման աշխատանքներին, որի շինարարությունը նախատեսվում է ավարտել 2024-2025 թվականներին։ Նրանք նաև ծանոթացել են «Քարվաճառ-1» հիդրոէլեկտրակայանում կատարված աշխատանքներին։
Ադրբեջանական լրատվամիջոցներում այցից հրապարակված լուսանկարներից, ինչպես նաև տարբեր դեսպանների հարցազրույցներից պարզ է դառնում, որ գրավյալ Քարավաճառ են այցելել Բաքվում Թուրքիայի դեսպան Ջահիդ Բահչին, Պակիստանի դեսպան Բիլալ Հայեն, Մեծ Բրիտանիայի դեսպան Ջեյմս Շարփը, Իսրայելի դեսպան Ջորջ Դիքը, ՌԴ դեսպան Միխայիլ Բոչարնիկովը, Ուկրաինայի դեսպան Վլադիսլավ Կանեևսկին, Բելգիայի դեսպան Միշել Պիտերամսը, ԵՄ դեսպան Պետեր Միխալկոն, Իրանի դեսպանատան ներկայացուցիչներ, այլ դիվանագետներ։
Էմմա Չոբանյան
