08.06.2026 | 15:04
Համայնքապետերի ներկայությունից մինչև ընտրողների տեղափոխման դեպք․ «Ականատես»-ի արձանագրած խախտումները․ ՏԵՍԱՆՅՈՒԹ
Ալիևը զանգահարել է Պուտինին և տեղեկացրել բրյուսելյան եռակողմ հանդիպման արդյունքների մասին
31.05.2022 | 13:28
Ադրբեջանի նախագահ Իլհամ Ալիևը զանգահարել է ՌԴ նախագահ Վլադիմիր Պուտինին, տեղեկանում ենք Կրեմլի պաշտոնական կայքից։
Հաղորդվում է, որ կողմերը դիտարկել են Ռուսաստանի, Ադրբեջանի և Հայաստանի ղեկավարների միջև 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի պայմանավորվածությունների կատարման ընթացքը՝ կոնկրետ հարցերի լուծման շեշտադրմամբ՝ կապված տարածաշրջանում խաղաղ կյանքի, կայունության ամրապնդման, տնտեսական կապերի և տրանսպորտային հաղորդակցությունների ապաշրջափակման հետ։
«Իլհամ Ալիևը տեղեկացրել է մայիսի 22-ին Բրյուսելում ՀՀ վարչապետ Նիկոլ Փաշինյանի ու Եվրոպական խորհրդի նախագահ Շառլ Միշելի հետ կայացած հանդիպման մասին»,- ասվում է հաղորդագրության մեջ։
Նշվում է, որ քննարկվել են նաև առևտրատնտեսական ոլորտին առնչվող երկկողմ համագործակցության արդիական հարցեր։
«Կողմերը վերահաստատել են ռուս-ադրբեջանական ռազմավարական գործընկերության հետագա խորացման փոխադարձ մտադրությունը, այդ թվում՝ հաշվի առնելով 2022 թվականի փետրվարին Ադրբեջանի նախագահի Մոսկվա կատարած պաշտոնական այցի արդյունքները։ Պայմանավորվածություն է ձեռք բերվել շարունակել կանոնավոր շփումները տարբեր մակարդակներով»,- ասվում է Կրեմլի տարածած հաղորդագրությունում։
Էմմա Չոբանյան
