06.08.2026 | 09:00
Կառավարության նիստը. ՈՒՂԻՂ
Լավրովն ու Բայրամովը հաջորդ շաբաթ այցելելու են Թուրքիա
Քաղաքականություն
31.05.2022 | 14:19
Ադրբեջանի ԱԳ նախարար Ջեյհուն Բայրամովը, ՌԴ ԱԳ նախարար Սերգեյ Լավրովը, ինչպես նաև մի շարք այլ երկրների արտաքին քաղաքական գերատեսչությունների ղեկավարներ հաջորդ շաբաթվա ընթացքում այցելելու են Թուրքիա։ Ադրբեջանական լրատվամիջոցների հաղորդմամբ՝ այս մասին հայտնել է Թուրքիայի ԱԳ նախարար Մևլութ Չավուշօղլուն։
«Հաջորդ շաբաթ Թուրքիա կայցելեն Ադրբեջանի ԱԳ նախարար Ջեյհուն Բայրամովը, Իրանի ԱԳ նախարար Հոսեյն Ամիր Աբդոլլահիանը, ինչպես նաև Ռուսաստանի, Գերմանիայի, Նիդեռլանդների, Հյուսիսային Մակեդոնիայի ԱԳ նախարարները»,-ասել է Չավուշօղլուն։
Թուրքական լրատվականների հաղորդմամբ էլ՝ Չավուշօղլուն նշել է, որ ՌԴ ԱԳ նախարար Սերգեյ Լավրովը հունիսի 8-ին է այցելելու Թուրքիա ռազմական պատվիրակության հետ՝ քննարկելու «Սև ծովում անվտանգության միջանցքի բացումը, ինչպես նաև ցորենի հարցը»։
Էմմա Չոբանյան
