23.06.2026 | 22:01
Պայթյուն Թուրքիայի զինամթերքի պահեստներից մեկում. կան զոհեր
Էրդողանը համարում է, որ Թուրքիայի զինուժն Աֆրինում դեռ անելիքներ ունի
Քաղաքականություն
04.05.2018 | 12:56
Թուրքիայի նախագահ Ռեջեփ Թայիփ Էրդողանն Ուզբեկստան և Հարավային Կորեա կատարած այցերից հետո լրագրողների հետ զրույցում խոսել է Աֆրինում իրականացվող «Ձիթենու ճյուղ» ռազմական գործողության մասին. տեղեկացնում է ermenihaber-ը:
«Աֆրինում քուրդ զինյալների դեմ պայքարը, ինչպես նաև ականազերծման աշխատանքները դեռ ավարտված չեն։ Ինքնաշեն պայթուցիկների վտանգը չեզոքացնելու հարցում լուրջ արդյունքների ենք հասել։ Իսկ Թել Ռըֆաթի ու Իդլիբի վերաբերյալ մեր բանակցությունները շարունակվում են։ Մեր արտաքին գործերի նախարարը մեկնելու է Միացյալ Նահանգներ։ Հանդիպելու է ԱՄՆ-ի պետքարտուղար Մայք Պոմպեոյի հետ: Նախատեսվում է քննարկել Մանբիչի հարցը։ Մենք ցանկանում ենք, որ Մանբիչը քուրդ զինյալներից մաքրելու գործում կատարվեն անհրաժեշտ քայլեր»։
Հիշեցնենք որ Աֆրինն այժմ գտնվում է Թուրքիայի զինված ուժերի վերահսկողության տակ։ Իսկ Մանբիչը այժմ Սիրիայի քրդական ուժերի վերահսկողության տակ է։ Պաշտոնական Անկարան այժմ ցանկանում է ռազմական գործողություններ սկսել նաև Մանբիչում, ինչպես դա արեց Աֆրինում։ Այդ հարցով թուրքական կողմը ամիսներ շարունակ արդեն բանակցություններ է վարում ԱՄՆ-ի հետ, որի բանակի որոշ ստորաբաժանումներ գտնվում են Մանբիչում։
