28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Սլովակիան և Ուկրաինան բանակցություններ են վարում ինքնագնաց հաուբիցների մատակարարման շուրջ
Քաղաքականություն
30.05.2022 | 21:23
Սլովակիայից Ուկրաինային «Zuzana 2» ինքնագնաց հաուբիցների մատակարարման շուրջ բանակցություններ են ընթանում։ Այս մասին հայտնում է Teraz լրատվականը, որին վկայակոչում է ՌԻԱ Նովոստին։
«Ուկրաինային Սլովակիայից ինքնագնաց հաուբիցների մատակարարման շուրջ բանակցությունները շարունակվում են, դա հաստատել է պաշտպանության նախարարության խոսնակ Մարտինա Կովալ-Կակաշչիկովան։ Իր հերթին, ՊՆ ղեկավար Յարոսլավ Նադը լրագրողներին հայտնել է, որ այդ հարցով բանակցություններն առաջ են ընթանում»,- գրում է լրատվամիջոցը։
Նշվում է, որ երկուշաբթի Նադն իր ուկրաինացի գործընկեր Ալեքսեյ Ռեզնիկովի հետ տեսակապի միջոցով քննարկել է Ուկրաինայում ստեղծված իրավիճակը և Կիևին աջակցության հետագա ձևերը։ Սլովակիայի ՊՆ ղեկավարը հայտնել է, որ օգնությունը շարունակվելու է։
«Ուկրաինան կարող է շարունակել հույս դնել մեր օգնության վրա: Ոչ ոք չի կարող կռահել, թե երբ կավարտվի այս տխուր և անիմաստ հակամարտությունը: Սլովակիան առաջատարներից մեկն է Ուկրաինային օգնության ձևով ու ծավալով»,- ասել է նախարարը։
Էմմա Չոբանյան
