15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Թուրքիայի պաշտպանության նախարարն Ադրբեջանում զորամասեր է այցելել
Քաղաքականություն
30.05.2022 | 17:24
Թուրքիայի պաշտպանության նախարար Հուլուսի Աքարն Ադրբեջան կատարած իր այցի ընթացքում այցելել է որոշ զորամասեր, հայտնում են ադրբեջանական լրատվամիջոցները։
«Այցի շրջանակում, որին մասնակցել են նաև Թուրքիայի ԶՈՒ Գլխավոր շտաբի պետն ու զորքերի հրամանատարները, պատվիրակությունն այցելել է մի շարք զորամասեր»,- ասվում է Ադրբեջանի ՊՆ հաղորդագրության մեջ։
Նշվում է, որ Ադրբեջանի և Թուրքիայի պաշտպանության նախարարներ Զաքիր Հասանովն ու Հուլուսի Աքարը զննել են ռազմական տեխնիկան և ծանոթացել ռազմական օբյեկտներում ստեղծված պայմաններին։
Աքարի գլխավորած պատվիրակության այցն Ադրբեջան ավարտվել է։
Էմմա Չոբանյան
