20.11.2024 | 11:27
Թմրանյութի հետ կապ չունեմ, եթե որոշեմ թեստ հանձնել, կանեմ առանց որևէ մեկի հրահանգի․ Կարեն Սարուխանյան
Թուրքիան «Efes 2022» զորավարժություններ կանցկացնի 37 երկրի մասնակցությամբ, որոնց թվում են Ադրբեջանը, Ղազախստանն ու Ղրղզստանը
Քաղաքականություն
30.05.2022 | 13:51
Թուրքիայի ԶՈւ-ն Էգեյան ծովում կանցկացնի «Efes 2022» խոշորագույն համատեղ զորավարժությունները, որոնց կմասնակցեն 37 երկրի ավելի քան 1000 զինծառայողներ, գրում է «Անադոլու» գործակալությունը։
Նշվում է, որ վարժանքներին կմասնակցեն զինվորականներ Ադրբեջանից, Բոսնիա և Հերցեգովինայից, Հյուսիսային Մակեդոնիայից, Պակիստանից, Ալբանիայից, Ղազախստանից,Ղրղզստանից, Իտալիայից, ԱՄՆ-ից և այլ երկրներից։ Նրանք մշակելու են համատեղ ցամաքային և ծովային, ինչպես դեսանտի իջեցման գործողությունների հմտություններ։
Զորավարժություններին մասնակցելու են իտալական ֆրեգատ, Ch-53 ուղղաթիռներ, հաուբիցներ, զրահատեխնիկա և ԱՄՆ ԶՈւ-ի դեսանտային նավ և այլ տեխնիկա։
Թուրքիայի ՊՆ աղբյուրների տվյալներով՝ զորավարժությունները կազմակերպվելու են Իզմիրի Դողանբեյ զորավարժարանում և ավարտվելու են հունիսի երկրորդ կեսին։
Նշվում է, որ «Efes 2022»-ը Էգեյան ծովի տարածաշրջանում ամենամեծ համատեղ զորավարժությունն է։ Թուրքիայի զինված ուժերից զորավարժություններին կմասնակցի շուրջ 10 հազար զինվորական։ 2016 թվականին այս վարժանքներին մասնակցել է 8, 2018-ին՝ 20 երկիր։ Այս տարվա զորավարժություններն ամենամեծն են լինելու։
Հավելենք, որ Ղազախստանն ու Ղրղզստանը, որոնք մասնակցելու են զորավարժություններին, Հայաստանի հետ միասին ՀԱՊԿ անդամ են։
Էմմա Չոբանյան
