15.12.2024 | 12:21
Հրդեհ` Երևանի հյուրանոցներից մեկում. դեպքի վայր են մեկնել 6 մարտական հաշվարկ
Էրդողանը հայտարարել է, որ Թուրքիան չի սպասի ԱՄՆ-ի թույլտվությանը Սիրիայում նոր հարձակման համար
Քաղաքականություն
30.05.2022 | 13:23
Թուրքիան չի սպասի ԱՄՆ-ի թույլտվությանը Սիրիայում նոր ռազմական գործողություն սկսելու համար։ Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ փաստորեն, անտեսելով Վաշինգտոնի զգուշացումները, գրում է AFP-ն, որին վկայակոչում է Turkishminute-ը։
«Չի կարելի պայքարել ահաբեկչության դեմ՝ սպասելով ինչ-որ մեկի թույլտվությանը։ Ի՞նչ ենք անելու, եթե ԱՄՆ-ն չկատարի ահաբեկչության դեմ պայքարում իր բաժինը։ Մենք ինքներս կանենք»,- ասել է Էրդողանը Ադրբեջանից վերադառնալիս լրագողների հետ զրույցում։
Էրդողանը Սիրիա հարձակման մասին խոսում է այն ժամանակ, երբ սպառնում է արգելափակել Շվեդիայի և Ֆինլանդիայի՝ ՆԱՏՕ-ին անդամակցությունը։ Նա այս պետություններին մեղադրում է Քուրդիստանի աշխատավորական կուսակցության (PKK) զինյալներին աջակցելու մեջ։
Վերջերս էլ Էրդողանը հայտարարել էր, որ Թուրքիան շուտով նոր ռազմական գործողություն է սկսելու Սիրիայի հյուսիսում՝ 30 կմ-անոց «անվտանգության գոտի» ստեղծելու համար։
Վաշինգտոնն արդեն իսկ զգուշացրել է Անկարային նոր գործողության վերաբերյալ՝ նշելով, որ այն վտանգի տակ կդնի նաև ԱՄՆ-ի զորքերը։
Էմմա Չոբանյան
