16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Մայր թատրոնը 100 տարեկան է. տեղի է ունեցել նոր ներկայացման առաջնախաղը. ԼՈՒՍԱՆԿԱՐՆԵՐ
Մշակույթ
27.05.2022 | 15:33
ՀՀ ԿԳՄՍ նախարարության աջակցությամբ Գ․ Սունդուկյանի անվան ազգային ակադեմիական թատրոնում մայիսի 26-ին տեղի է ունեցել Բերթոլթ Բրեխթի «Արթուրո Ուիի կարիերան, որ պետք է կանխվեր» ներկայացման առաջնախաղը՝ որպես Մայր թատրոնի 100-ամյակի գլխավոր իրադարձություն. տեղեկացնում են ԿԳՄՍՆ-ից:
«Ներկայացման բեմադրիչն է ՀՀ ժողովրդական արտիստ Արմեն Էլբակյանը: Մեկ բեմահարթակում կողք կողքի հանդես են գալիս սունդուկյանցիների ինչպես փորձառու, այնպես էլ երիտասարդ դերասանները:
Ներկայացման գլխավոր դերակատարներն են ՀՀ վաստակավոր արտիստներ Տիգրան Ներսիսյանը, Աննա Էլբակյանը, Ալբերտ Սաֆարյանը:
Ներկայացումը պատմագանգստերական դրամա է Հիտլերի և նրա համախոհների մասին: Դրաման պատմում է, թե ինչպես է գանգստեր Արթուրո Ուին ամեն գնով իշխանության ձգտում՝ խտրականություն չդնելով միջոցների միջև:
Գործողությունը պայմանականորեն տեղի է ունենում Չիկագոյում: Բրեխթն այս պիեսում ծաղրում, մերկացնում ու դատապարտում է բռնակալությունը և նրա միանձնյա ղեկավարին:
Ներկայացումը բոլոր ժամանակների տոտալիտար ռեժիմների, հանցագործների, անբարոյականների և մարդասպանների մասին է, որոնց կարիերան չէր կայանա, եթե չլինեին փոքրոգությունը, վախկոտությունը, անտարբերությունը և կոռուպցիան:
Ա. Էլբակյանի խոսքով՝ մարդկությունը, որ հեռացել է Աստծո սահմանած բարոյական չափանիշներից ու պատվիրաններից, պետք է հասկանա՝ ինչպես ապաշխարի, որ իրականությունն այսքան կնճռոտ, դաժան ու փուչ չլինի»,- ասված է հաղորդագրությունում:
