20.08.2026 | 12:59
Դատախազությունը Արմեն Աշոտյանից պահանջում է բռնագանձել 3 անշարժ գույք և շուրջ 385 մլն դրամ
Բաքուն ակնկալում է, որ փոխվարչապետերի մակարդակով հաջորդ հանդիպմանը որոշակի փաստաթուղթ կհայտնվի բանակցությունների սեղանին․ Բայրամով
Քաղաքականություն
26.05.2022 | 17:41
Ադրբեջանը մայիսի 22-ին Բրյուսելում կայացած հանդիպումը համարում է օգտակար և արդյունավետ։ Լրագրողների հետ զրույցում նման հայտարարություն է արել Ադրբեջանի ԱԳ նախարար Ջեյհուն Բայրամովը, գրում են տեղական լրատվամիջոցները։
«Բրյուսելում կայացած հանդիպումը համարում ենք օգտակար և արդյունավետ։ Չնայած Բրյուսելում որևէ փաստաթուղթ չի ստորագրվել, մի շարք հարցեր քննարկվել են բարձր մակարդակով։ Մի շարք հարցերի շուրջ դիրքորոշումները նման են եղել»,- ասել է Բայրամովը:
Նա նաև չի բացառել ՀՀ ԱԳ նախարար Արարատ Միրզոյանի հետ նոր հեռախոսազրույցի հավանականությունը։
«Այդ հեռախոսային բանակցությունները կապված են հանդիպումներում ձեռք բերված պայմանավորվածությունների կատարման ընթացքի հետ։ Ներկա պահին հաջորդ հեռախոսազրույցի օրը որոշված չէ։ Սակայն ես չեմ բացառում, որ անհրաժեշտության դեպքում նոր հեռախոսազրույցներ կկազմակերպվեն»,- ասել է ադրբեջանցի պաշտոնյան։
Նա նաև հիշեցրել է, որ տեղի է ունեցել Հայաստանի և Ադրբեջանի միջև սահմանի դելիմիտացիայի հանձնաժողովի առաջին նիստը։ Բայրամովը հայտարարել է, որ պաշտոնական Բաքուն ակնկալում է, որ փոխվարչապետերի մակարդակով աշխատանքային խմբի հաջորդ հանդիպման ժամանակ որոշակի փաստաթուղթ կհայտնվի բանակցությունների սեղանին։
«Մենք հուսով ենք, որ այս հանդիպմանը բանակցային սեղանին ինչ-որ փաստաթուղթ կհայտնվի»,- ասել է Բայրամովը։
Հիշեցնենք, որ մայիսի 22-ին Բրյուսելում տեղի է ունեցել ՀՀ վարչապետ Նիկոլ Փաշինյանի, Ադրբեջանի նախագահ Իլհամ Ալիևի և ԵՄ Խորհրդի նախագահ Շառլ Միշելի եռակողմ հանդիումը։
Էմմա Չոբանյան
