28.06.2026 | 20:00
«Կյանքս կտամ», քարսիթ՝ ոչ. ինչու են ճանապարհին երեխաներ մահանում․ ՏԵՍԱՆՅՈւԹ
Թուրքիայում տնտեսական ճգնաժամի ֆոնին մեկ տարում սննդամթերքի գներն աճել են շուրջ 160 տոկոսով
Քաղաքականություն
25.05.2022 | 23:30
Թուրքիայի Քաղծառայողների արհմիությունները ներկայացնող կոնֆեդերացիան պարզել է, որ երկրում սննդամթերքի գները մեկ տարում աճել են 159,6 տոկոսով, գրում են թուրքական լրատվամիջոցները։
Կոնֆեդերացիայի (Birleşik Kamu-İş) վերջին հետազոտությունը ստեղծել է «գնումների զամբյուղ», որը բաղկացած է 64 հիմնական ապրանքների գներից, որոնք պարբերաբար ձեռք են բերում սպառողները։
«Ժողովրդական գնաճ» անվանումը ստացած հետազոտությունը ցույց է տվել, որ մարդիկ 2022 թվականի մայիսին այդ ապրանքները գնելու համար 159,6 տոկոսով ավելի են վճարել՝ 2021 թվականի մայիսի համեմատ։ «Գնումների զամբյուղի» գինը 2022 թվականի հունվար-մայիս ամիսներին աճել է 65,5 տոկոսով։
Հավելենք, որ Թուրքիայում սոցիալական լարվածությունը հասել է բարձր մակարդակի, երկրում աննախադեպ գնաճ է։ Ապրիլին կառավարության կողմից ղեկավարվող Թուրքիայի վիճակագրական ինստիտուտը (TÜİK) հայտնել էր, որ տարեկան գնաճը 69,97 տոկոս է, որը վերջին 20 տարվա ընթացքում ամենաբարձր ցուցանիշն է։ Իսկ ահա անկախ ENAG խումբը գնաճի ցուցանիշը գնահատում է 156,86 տոկոս։
Էմմա Չոբանյան
