Գյումրու Անի թաղամասում բազմաբնակարան շենք կկառուցվի՞․ շինանյութի թանկացման պատճառով ծրագիրը հնարավոր է՝ փոխվի

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Ամերիկահայերի ֆինանսավորմամբ ստեղծված «ԱՌՔ» բարեգործական հիմնադրամը, որը մտադիր էր Գյումրու Անի թաղամասում քառահարկ բազմաբնակարան շենք կառուցել ու հատկացնել տնակներում ապրող անօթևաններին, շինանյութի թանկացման պատճառով, հնարավոր է՝ բնակարանաշինություն ծավալելու փոխարեն բնակարաններ գնի շահառուների համար։ Այս մասին տեղեկացանք Գյումրու քաղաքապետի մամուլի քարտուղար Սոնա Առաքելյանից։

Ըստ նրա՝ օրերս այս ծրագրի շրջանակում տեղի է ունեցել բնակարանների բաշխման հանձնաժողովի առաջին նիստը, որի ժամանակ էլ «ԱՌՔ» բարեգործական հիմնադրամի հիմնադիր նախագահ Հրաչ Հակոբյանը և հիմնադրամի տնօրեն Հրահատ Ստեփանյանը մանրամասն ներկայացրել և հանձնաժողովի անդամների հետ քննարկել են ծրագրում իրենց կողմից նախատեսվող փոփոխություններին ու հետագա անելիքներին վերաբերող հարցեր։

«ԱՌՔ» բարեգործական հիմնադրամի կողմից իրականացվելիք ծրագրով ի սկզբանե նախատեսվում էր կառուցել 12-16 սոցիալական բնակարան, բայց վերջին շրջանում, հաշվի առնելով առկա թանկացումները, հիմնադրամի պատասխանատուները հանձնաժողովին ներկայացրել են նաև բնակարաններ գնելու և դրանք շահառուներին տրամադրելու տարբերակը:

Նշենք, որ 2021 թվականի օգոստոսի 19-ին համաձայնագիր էր ստորագրվել Գյումրու քաղաքապետարանի և այս հիմնադրամի միջև։

Ըստ փաստաթղթի, Գյումրու քաղաքապետարանը պարտավորվել էր անօթևանների համար բազմաբնակարան շենք կառուցելու նպատակով հիմնադրամին անհատույց հողատարածք տրամադրել Գյումրու Անի թաղամասում։ Բնակարանի 50 տոկոսի ծախսերը հոգալու էր հիմնադրամը՝ անհատույց նվիրատվություն կատարելով, իսկ մնացած 50 տոկոսը տասը տարվա ընթացքում բնակիչները վերադարձնելու էին հիմնադրամին՝ անտոկոս փոխառության կարգով։ Բնակիչները 10 տարվա ընթացքում իրավունք չունեն բնակարաններն օտարելու։

Գյումրու գլխավոր ճարտարապետ Հենրիկ Գասպարյանը մեզ հետ զրույցում ասաց, որ բնակարաններ գնելու դեպքում ևս շահառումները 50 տոկոսի չափով պիտի մասնակցություն ունենան։

Արմիկ Մովսիսյան