18.05.2026 | 11:55
Ընդամենը 3 մլն դրամ եկամուտ. ինչ է հայտարարագրել ԱԺԲ-ի ցուցակի առաջին համարը
Երևանի մի քանի պոլիկլինիկաներ կմիացվեն․ որոշումն ընդունվեց ավագանու նիստում․ ՏԵՍԱՆՅՈւԹ
24.05.2022 | 18:43
Երևանի մի քանի պոլիկլինիկաներ կմիացվեն. այդ մասին որոշումն ընդունվեց Երևանի ավագանու այսօրվա նիստում։
Երևանի N1 պոլիկլինիկան, N5 պոլիկլինիկան և Քաղաքային էնդոկրին դիսպանսերը կմիանան N4 պոլիկլինիկային։ Նախատեսվում է նաև միավորել N1 պոլիկլինիկայում և Քաղաքային էնդոկրին դիսպանսերում մատուցվող ծառայությունները, իսկ N5 պոլիկլինիկայի գործունեությունը կշարունակվի նույն հասցեում որպես N4 պոլիկլինիկայի մասնաճյուղ։
Արաբկիրի մանկական պոլիկլինիկան կմիանա «Նոր Արաբկիր» բժշկական կենտրոնին, Սարի թախի պոլիկլինիկան՝ N17 պոլիկլինիային, Նորագավիթի պոլիկլինիկան՝ N13 պոլիկլինիային, իսկ Նուբարարշենի պոլիկլինիկան՝ Նոր Արեշի պոլիկլինիային։
Նշվում է, որ այս փոփոխությունները, որոնք կտևեն երեք տարի, կնպաստեն քաղաքացիների սպասարկման պայմանների բարելավմանը և բուժաշխատողների աշխատավարձերի բարձրացմանը։
Երևանի փոխքաղաքապետ Գևորգ Սիմոնյանը վստահեցրեց, որ խոսքը ոչ թե բուժհաստատությունների փակման, այլ կառուցվածքային փոփոխությունների մասին է, Երևանին պատկանող գույքն ու շինությունները չեն օտարվել, մնացել են քաղաքի բալանսում։
Մանրամասները՝ տեսանյութում։
