09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Էստոնիայի խորհրդարանի նախագահն այցելել է Արցախի գրավյալ Շուշի
Քաղաքականություն
24.05.2022 | 18:51
Պաշտոնական այցով Ադրբեջանում գտնվող Էստոնիայի խորհրդարանի նախագահ Յուրի Ռատասի գլխավորած պատվիրակությունն այցելել է Արցախի գրավյալ հայկական Շուշի քաղաք, գրում են ադրբեջանական լրատվամիջոցները։
Նշվում է, որ պատվիրակությանն ուղեկցել են Միլի մեջլիսի փոխնախագահ Ադիլ Ալիևը, Ադրբեջան-Էստոնիա միջխորհրդարանական հարաբերությունների աշխատանքային խմբի ղեկավար Ժալյա Ահմեդովան, Էստոնիայում Ադրբեջանի դեսպան Անար Մագերամովը, Ադրբեջանում Էստոնիայի դեսպան Աննելի Կոլկը, այլ պաշտոնյաներ։
Էստոնական պատվիրակության անդամները շրջել են հայկական քաղաքում, ծանոթացել իրականացվող աշխատանքներին։
Հավելենք, որ վերջերս էլ գրավյալ Շուշի էին այցելել Լատվիայի փոխվարչապետ, պաշտպանության նախարար Արտիս Պաբրիկիսի գլխավորած պատվիրակության անդամները։
Էմմա Չոբանյան
