08.06.2026 | 12:10
ԱԺ կանցնի 4 ուժ՝ ըստ նախնական արդյունքների // Ձերբակալվածներ տեղամասի մոտ դանակահարության գործով․ ԼՈՒՐԵՐ
Լավրովը հեռախոսազրույց է ունեցել Բայրամովի հետ
Քաղաքականություն
23.05.2022 | 20:40
ՌԴ ԱԳ նախարար Սերգեյ Լավրովն այսօր հեռախոսազրույց է ունեցել Ադրբեջանի իր գործընկեր Ջեյհուն Բայրամովի հետ, գրում են ադրբեջանական լրատվամիջոցները։
«Նախարարները մտքեր են փոխանակել տարածաշրջանում տիրող իրավիճակի, եռակողմ հայտարարությունների իրականացման, այդ թվում՝ տարածաշրջանային բոլոր հաղորդակցությունների բացման և Ադրբեջանի ու Հայաստանի միջև պետական սահմանի սահմանազատման հետ կապված հարցերի շուրջ»,- ասվում է Ադրբեջանի ԱԳՆ հայտարարության մեջ։
Կողմերը նաև քննարկել են երկկողմ օրակարգի արդիական և փոխադարձ հետաքրքրություն ներկայացնող այլ հարցեր։
Հավելենք, որ այսօր ավելի վաղ Լավրովը հեռախոսազրույց էր ունեցել ՀՀ ԱԳ նախարար Արարատ Միրզոյանի հետ։
Էմմա Չոբանյան
