09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ալիևը ստեղծել է Հայաստանի հետ դելիմիտացիայի հանձնաժողովը․ այն կղեկավարի Ադրբեջանի փոխվարչապետ Մուսթաֆաևը
Քաղաքականություն
23.05.2022 | 19:39
Ադրբեջանի նախագահ Իլհամ Ալիևը հրամանագիր է ստորագրել Ադրբեջանի և Հայաստանի միջև պետական սահմանի դելիմիտացիայի պետական հանձնաժողով ստեղծելու մասին, գրում են տեղական լրատվամիջոցները։
Նշվում է, որ ադրբեջանական հանձնաժողովի ղեկավար է նշանակվել փոխվարչապետ Շահին Մուսթաֆաևը։ Հանձնաժողովի կազմում են նաև Նախիջևանի ինքնավար Հանրապետության փոխվարչապետը, Ադրբեջանի արտաքին գործերի, ներքին գործերի, պաշտպանության փոխնախարարները, մի շարք այլ նախարարությունների ղեկավարների տեղակալներ, Պետական անվտանգության ծառայության պետի առաջին տեղակալը, Պետական սահմանային ծառայության պետի տեղակալը, Արտաքին հետախուզության ծառայության պետի տեղակալը, «Մելիորացիա և ջրային տնտեսություն» ԲԲԸ նախագահի տեղակալը, Էկոնոմիկայի նախարարության գույքային հարցերի պետական ծառայության պետը, նախագահի աշխատակազմի օրենսդրության և իրավական քաղաքականության վարչության պետը, մի շարք շրջանների գործադիր իշխանության ղեկավարները։
Էմմա Չոբանյան
