29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Անկարայում ԱՄՆ դեսպանին կանչել են Թուրքիայի ԱԳՆ՝ բողոք ներկայացնելու
Քաղաքականություն
23.05.2022 | 14:21
Անկարայում ԱՄՆ դեսպան Ջեֆ Ֆլեյքին կանչել են Թուրքիայի ԱԳ նախարարություն՝ նախօրեին Ստամբուլում տեղի ունեցած հանրահավաքի վերաբերյալ ԱՄՆ դեսպանատան հայտարարության կապակցությամբ թուրքական կողմի մտահոգությունը ներկայացնելու։ Այս մասին հաղորդում է Reuters-ը՝ վկայակոչելով ԱԳՆ-ում իր աղբյուրներին։
Նշվում է, որ հազարավոր մարդիկ շաբաթ հավաքվել էին ցույցի՝ իրենց բողոքն արտահայտելու նախագահին և պետությանը վիրավորելու համար թուրք ընդդիմադիր գործիչ Ջանան Քաֆթանջիօղլուի դատապարտման դեմ:
Ընդդիմադիր Ժողովրդահանրապետական կուսակցության կազմակերպած հանրահավաքի առիթով ԱՄՆ դեսպանատան հայտարարության մեջ Թուրքիայում ապրող ԱՄՆ քաղաքացիներին զգուշացում է արվել հանրահավաքի ընթացքում ոստիկանության հնարավոր կոշտ միջամտությունների մասին: Միաժամանակ, ԱՄՆ քաղաքացիներին կոչ էր արվել խուսափել հանրահավաքներին ու բողոքի ակցիաներին ներկա գտնվելուց:
Հայտարարության մեջ ոստիկանության կողմից կոշտ գործողությունների հավանականությունը հիմնավորվել է նախկինում արցունքաբեր գազի, ռետինե փամփուշտների ու ջրցան մեքենաների կիրառման նախադեպերով։
Այս գնահատականները դուր չեն եկել Թուրքիայի ղեկավարությանը, և ԱԳՆ-ում ամերիկացի դեսպանին ասել են, որ հանրահավաքների ժամանակ թուրքական ուժային ստորաբաժանումների կիրառած կոշտ միջոցների մասին պնդումները հիմնազուրկ են։
Ավելի ուշ էլ Թուրքիայի ԱԳՆ-ն է նմանատիպ հայտարարություն տարածել` ԱՄՆ-ում բնակվող իր քաղաքացիներին կոչ անելով զերծ մնալ հանրահավաքներին ու խոշոր միջոցառումներին մասնակցելուց: Հայտարարության մեջ խոսվել է ԱՄՆ-ում ոստիկանության կողմից ցուցարարների նկատմամբ անհամաչափ ուժ կիրառելու նախկին դեպքերի մասին, գրում է ermenihaber-ը։
