16.01.2025 | 09:53
«Հայաստան-ԵՄ ռազմավարական գործընկերության խթանումը Վիշեգրադյան քառյակի փորձի հիման վրա». ՈՒՂԻՂ
Արթուր Վանեցյանի օգնականն ազատ է արձակվել
Քաղաքականություն
21.05.2022 | 17:49
ԱԺ «Պատիվ ունեմ» խմբակցության ղեկավար Արթուր Վանեցյանի օգնական Արամ Գրիգորյանն ազատ է արձակվել։ Այս մասին ֆեյսբուքյան գրառմամբ տեղեկացրել է Վանեցյանը:
Ավելի վաղ նա տեղեկացրել էր, որ Ոստիկանության քրեական հետախուզության վարչությունը և Քննչական կոմիտեն խուզարկություն են իրականացնում Արամ Գրիգորյանի բնակարանում:
Արամ Գրիգորյանի պաշտպան Երվանդ Վարոսյանը լրագրողներին փոխանցել էր, որ խուզարկությունը կապված է մայիս ամսվա սկզբին համացանցում տարածված տեսանյութերից մեկի հետ:
Տեսանյութի տարածումից հետո իշխանության համակիրները մեկնաբանել էին, թե Արթուր Վանեցյանի օգնականը գումար է տալիս Փաշինյանի հրաժարականը պահանջող քաղաքացիներին, մինչդեռ «Հայրենիք» կուսակցությունից վստահեցնում էին, թե Գրիգորյանը ֆինանսական աջակցություն է ցուցաբերել սոցիալական խնդիրներ ունեցող քաղաքացիներին:
