20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Արթուր Վանեցյանի օգնականի տանը խուզարկություն է իրականացվում
Հասարակություն
21.05.2022 | 13:55
Ոստիկանության քրեական հետախուզության վարչությունը և Քննչական կոմիտեն խուզարկություն են իրականացնում ԱԱԾ նախկին տնօրեն, ԱԺ «Պատիվ ունեմ» խմբակցության ղեկավար Արթուր Վանեցյանի օգնական Արամ Գրիգորյանի բնակարանում:
Այս մասին ֆեյսբուքյան գրառմամբ տեղեկացրել է Արթուր Վանեցյանը: Արամ Գրիգորյանի պաշտպան Երվանդ Վարոսյանը լրագրողներին փոխանցեց, որ խուզարկությունը կապված է մայիս ամսվա սկզբին համացանցում տարածված տեսանյութերից մեկի հետ:
Տեսանյութի տարածումից հետո իշխանության համակիրները մեկնաբանեցին, թե Արթուր Վանեցյանի օգնականը գումար է տալիս Փաշինյանի հրաժարականը պահանջող քաղաքացիներին, մինչդեռ «Հայրենիք» կուսակցությունից վստահեցնում են, թե Գրիգորյանը ֆինանսական աջակցություն է ցուցաբերել սոցիալական խնդիրներ ունեցող քաղաքացիներին:
Փաստաբան Երվանդ Վարոսյանը տեղեկացրեց, որ որոշում է կայացվել բերման ենթարկել Արամ Գրիգորյանին: ՔԿ-ից Factor.am-ին խուզարկության վերաբերյալ փոխանցեցին, որ մեկնաբանություն կտրամադրեն երկուշաբթի՝ աշխատանքային օրը:
