18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ալիևը կրկին բողոքել է ՅՈՒՆԵՍԿՕ-ից
Մշակույթ
20.05.2022 | 21:31
Ադրբեջանի նախագահ Իլհամ Ալիևն այսօր ընդունել է Կրթության, գիտության և մշակույթի իսլամական կազմակերպության՝ ICESCO-ի գլխավոր տնօրեն Սալիմ բին Մուհամեդ ալ-Մալիքին, գրում են ադրբեջանական լրատվամիջոցները։
Ալիևը նշել է, որ ICESCO-ն մշտապես աջակցել է Ադրբեջանին, այդ թվում՝ Արցախյան 44-օրյա պատերազմի ժամանակ, և հույս հայտնել, որ հիմա էլ այն կարող է կարևոր դեր խաղալ Արցախի գրավյալ տարածքներում, իբր, հայերի կողմից Ադրբեջանին հասցված նյութական վնասի գնահատման գործում։
Բացի այդ, Ադրբեջանի նախագահը դժգոհել է ՅՈՒՆԵՍԿՕ-ից՝ նշելով, թե Ադրբեջանի իշխանությունները կցանկանային, որ ՅՈՒՆԵՍԿՕ-ի ներկայացուցիչներն այցելեին Արցախի գրավյալ տարածքներ ու տեսնեին «հայերի կողմից իրականացված ավերածությունները»։
«Պատերազմի ավարտից հետո անցել է ավելի քան մեկուկես տարի, սակայն ՅՈՒՆԵՍԿՕ-ի ներկայացուցիչները չեն այցելել «ազատագրված տարածքներ»»,- ասել է Ալիևը՝ մոռանալով նշել, որ հենց Բաքուն է ՅՈՒՆԵՍԿՕ-ի առաքելության Արցախ այցելության հիմնական խոչընդոտը։
Ադրբեջանի իշխանություններն ամեն կերպ պարբերաբար խանգարում են առաքելության այցին՝ ոչնչացնելով հայկական հոգևոր մշակութային ժառանգությունը։ Ընդգծենք, որ ն ՅՈՒՆԵՍԿՕ-ն ևս հայտարարությամբ նշել է, որ պաշտոնական Բաքուն է խոչընդոտում կազմակերպության առաքելության այցին։
Էմմա Չոբանյան
