29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ադրբեջանի վարչապետը հայտարարել է, որ Բաքվի և Երևանի միջև կոմունիկացիաների ապաշրջափակման հարցում առաջընթաց չկա
Քաղաքականություն
20.05.2022 | 19:11
Ադրբեջանի վարչապետ Ալի Ասադովը հայտարարել է, որ իր երկրի և Հայաստանի միջև տնտեսական և տրանսպորտային կապերի ապաշրջափակման հարցում առաջընթացը բացակայում է։
«Չնայած եռակողմ աշխատանքային խմբի (Ռուսաստանի, Ադրբեջանի և Հայաստանի փոխվարչապետների մակարդակով) շրջանակում ընթացող հանդիպումներին՝ եռակողմ հայտարարության 9-րդ կետի համաձայն, տարածաշրջանում տնտեսական և տրանսպորտային կապերի ապաշրջափակման հարցում առաջընթաց չկա»,- ասել է Ադրբեջանի կառավարության ղեկավարը՝ տեսակոնֆերանսի միջոցով ելույթ ունենալով ԱՊՀ երկրների կառավարությունների ղեկավարների խորհրդի նիստում, գրում է ՏԱՍՍ-ը։
Նա նաև նշել է, որ Ադրբեջանը հստակեցրել է Հայաստանի հետ սահմանների սահմանազատման և սահմանագծման ազգային հանձնաժողովի, ինչպես նաև խաղաղության պայմանագրի նախապատրաստման պատվիրակության կազմերը, սակայն չի մանրամասնել, թե ովքեր են ներառված դրանց կազմում։
Տաթև Ֆռանգյան
