29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Բայրամովը հայտարարել է, որ հետևողական ջանքեր են գործադրվում Հայաստանի ու Ադրբեջանի հարաբերությունների կարգավորման ուղղությամբ
Քաղաքականություն
20.05.2022 | 15:55
Ադրբեջանի ԱԳ նախարար Ջեյհուն Բայրամովը Իտալիայի Թուրին քաղաքում Եվրոպայի խորհրդի Նախարարների կոմիտեի 132-րդ նստաշրջանի իր ելույթում անդրադարձել է նաև Հայաստանի հետ հարաբերություններին, գրում են ադրբեջանական լրատվամիջոցները։
Բայրամովը նիստի մասնակիցներին տեղեկացրել է տարածաշրջանում առկա իրավիճակի, Ադրբեջանի և Հայաստանի միջև հարաբերությունների կարգավորման ուղղությամբ ձեռնարկվող քայլերի մասին։ Նախարարը նշել է, որ ներկայումս հետևողական ջանքեր են գործադրվում երկու երկրների միջև հարաբերությունների կարգավորման ուղղությամբ։
Բայրամովը նշել է, որ ապրիլի 6-ին Բրյուսելում կայացած Հայաստանի, Ադրբեջանի ղեկավարների հանդիպումը Եվրոպական խորհրդի նախագահի միջնորդությամբ դրական ազդեցություն է ունեցել այդ գործընթացի վրա։
Նա նաև ասել է, որ Ադրբեջանը պատրաստ է համագործակցել Հայաստանի հետ տարածաշրջանում խաղաղության ու անվտանգության ամրապնդման համար՝ հավելելով, որ Եվրոպայի խորհուրդը կարող է նպաստել վստահության ամրապնդման միջոցառումների իրականացմանը և դրական է գնահատել Ադրբեջանի ու Հայաստանի քաղաքացիական հասարակության ներկայացուցիչների հանդիպման կազմակերպումը Եվրոպայի խորհրդի գլխավոր քարտուղարի նախաձեռնությամբ։
Էմմա Չոբանյան
