09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Չավուշօղլուն հայտարարել է, որ Երևանը պետք է դրական արձագանքի Բաքվի «խաղաղության նախաձեռնություններին»
Քաղաքականություն
20.05.2022 | 12:17
Երևանը պետք է դրական պատասխանի Բաքվի խաղաղության նախաձեռնություններին։ Այս մասին հայտարարել է Թուրքիայի ԱԳ նախարար Մևլութ Չավուշօղլուն՝ Նյու Յորքում ՄԱԿ-ի կենտրոնակայանում պատասխանելով ադրբեջանցի լրագրողների հարցերին, գրում է Անադոլու գործակալությունը։
«Մենք անփոփոխ կոչ ենք անում ու խրախուսում Հայաստանին արձագանքել այդ բարի մտադրություններին։ Մենք տեսնում ենք, որ Հայաստանի իշխանություններին ճնշում են երկրի ներսում՝ արմատականները, իսկ դրսում՝ սփյուռքը։ Մենք արդեն խոսել ենք ոչ միայն պետքարտուղար Բլինքենի, այլև մեր այլ զրուցակիցների հետ, որ Հայաստանին պետք է ավելի շատ խրախուսել այդ ուղղությամբ։ ԱՄՆ պետքարտուղարի հետ երեկվա հանդիպման ժամանակ մենք ևս մեկ անգամ հիշեցրել ենք, որ Թուրքիան ու Ադրբեջանը ցանկանում ենք խաղաղություն ու բարի կամք են դրսևորում տարածաշրջանում հանուն կայունության ապահովման»,-ասել է Չավուշօղլուն։
Նա նշել է, որ Արցախյան պատերազմում հաղթանակից հետո Ադրբեջանն, իբր, «հստակ ցույց է տվել տարածաշրջանում խաղաղության ձգտման իր ցանկությունը»։ Չավուշօղլուն հիշեցրել է, որ ադրբեջանական կողմը Հայաստանին առաջարկել է կնքել համապարփակ խաղաղության համաձայնագիր։ Նա հավելել է, որ Ադրբեջանն աջակցում է Հայաստանի ու Թուրքիայի միջև հարաբերությունների կարգավորման բանակցություններին։
Էմմա Չոբանյան
