26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Կլինի դատական համակարգ,որ նայում է մարդկանց աչքերին,ոչ թե ձեռքերին.դատավորների աշխատավարձը կբարձրանա. Փաշինյան․ ՏԵՍԱՆՅՈՒԹ
19.05.2022 | 15:07
Կառավարությունը հավանություն տվեց «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ և փոփոխություն կատարելու մասին» և «Պաշտոնատար անձանց գործունեության ապահովման, սպասարկման և սոցիալական երաշխիքների մասին» օրենքում լրացում կատարելու մասին» օրենքների նախագծերին:
Ակնկալվում է Սահմանադրական դատարանի դատավորի, փոխնախագահի և նախագահի հավելավճարը սահմանել 80 տոկոսի չափով, իսկ Վճռաբեկ դատարանի դատավորների (այդ թվում՝ նախագահի և պալատի նախագահի) համար սահմանել պաշտոնային դրույքաչափի 50 տոկոսի չափով հավելում:
Վարչապետ Նիկոլ Փաշինյանն ընդգծեց. «Մենք ուզում ենք, որ Հայաստանում լինի այնպիսի դատական համակարգ, որը, պայմանականորեն ասած, նայում է մարդկանց աչքերին, ոչ թե մարդկանց ձեռքերին:
Սրանից շղթայական շատ մեծ գործընթացներ են տեղի ունենում, սրանք ազդում են մարդկան և՛ սոցիալական, և՛ բարոյական վիճակի վրա: Մենք պետք է հետևողականորեն գնանք այս ճանապարհով»:
Մանրամասները՝ տեսանյութում:
