15.12.2025 | 17:26
ԱՄՆ-ն ցանկանում է` Կիևը զիջի արևելյան Դոնբասը. բանակցությունների երկրորդ փուլն ավարտվել է
Ղարաբաղում արտադրված էներգիան Իրանի տարածքով կմատակարարվի Նախիջևան, Թուրքիա և Եվրոպա․ Բաքվում Իրանի դեսպան
Քաղաքականություն
19.05.2022 | 17:44
Թեհրանը մտադիր է Արցախի գրավյալ տարածքներում արտադրված էներգիան Իրանի տարածքով արտահանել Նախիջևան, Թուրքիա ու եվրոպական երկրներ։ Ադրբեջանական լրատվամիջոցների փոխանցմամբ՝ այս մասին հայտնել է Բաքվում Իրանի դեսպան Սեյիդ Աբբաս Մուսավին։
«Ապագայում սպասվում է, որ իրանական ընկերությունները կմասնակցեն Ղարաբաղում էլեկտրակայանների կառուցմանը»,-ասել է Մուսավին՝ նշելով, որ Իրանը ևս օգտագործելու է այդ էլեկտրաէներգիան։
Դեսպանը հավելել է, որ ակնկալվում է իրանական ընկերությունների մասնակցությունը Արցախի գրավյալ տարածքներում ինչպես կրթական համալիրների, այնպես էլ հիվանդանոցի կառուցմանը։
«Այդ ուղղությամբ աշխատանքներ են տարվում»,-ասել է Մուսավին։
Էմմա Չոբանյան
