05.08.2026 | 18:10
Վահագն Ալեքսանյանը՝ ԱԺ նախագահի տեղակալ
Կապանի ոստիկանությունը պատշաճ քննություն չի իրականացրել․ ՀՔԱՎ
Հասարակություն
19.05.2022 | 10:33
Մասնավոր կյանքի անձեռնմխելիության իրավունքի խախտման մասին ՀՔԱՎ-ի հաղորդման հիմքով փաստերը պատշաճ չեն ուսումնասիրվել և քրեական գործ չի հարուցվել․ տեղեկացնում են ՀՔԱՎ-ից։
«2022 թ․ ապրիլի 9-ին ՀՔԱՎ նախագահ Արթուր Սաքունցը իր գործընկերներ Լևոն Բարսեղյանի և Լարիսա Մինասյանի հետ գտնվել է Կապանի «Էլեգանտ» սրճարանում։ Սյուզի Բադոյան անունով օգտատերը «Facebook» սոցիալական կայքի իր էջում տարածել է վերոհիշյալ սրճարանում արված լուսանկար՝ կից գրառմամբ՝ «Խիստ մտահոգիչ լուսանկար է փոխանցվել ինձ՝ Կապանի «Էլեգանտ» ռեստորանից»։ Լուսանկարը հրապարակվել է նաև «Հրապարակ» օրաթերթում։
Անձնական տեղեկությունների տեսագրման և լրատվամիջոցով լուսանկարի տարածման արդյունքում խախտվել են Արթուր Սաքունցի և իր գործընկերների մասնավոր և ընտանեկան կյանքի, պատվի ու բարի համբավի անձեռնմխելիության և անձնական ու ընտանեկան կյանքի նկատմամբ հարգանքի հիմնարար իրավունքները, որի հիմքով ՀՔԱՎ-ը հանցագործության մասին հաղորդում է ներկայացրել ՀՀ գլխավոր դատախազություն։ Դատախազությունը այն վերահասցեագրել է Սյունիքի մարզի դատախազություն, որն էլ՝ ՀՀ ոստիկանության Կապանի բաժին։
Հանցագործության դեպքի բացակայության հիմքով Ոստիկանության Կապանի բաժնի հետաքննության բաժնի ավագ տեսուչ Ս.Ա. Հարությունյանը քրեական գործ չի հարուցել»,- գրում է ՀՔԱՎ-ը։
