09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ալիևը հայտարարել է, թե ցանկանում են կարգավորել Հայաստանի հետ կարգավորել հարաբերությունները և «շրջել թշնամանքի էջը»
Քաղաքականություն
18.05.2022 | 16:40
Ադրբեջանի նախագահ Իլհամ Ալիևը Լիտվայի նախագահ Գիտանաս Նաուսեդայի հետ այսօր տեղի ունեցած հանդիպմանը անդրադարձել է նաև Հայաստանի հետ հարաբերություններին։ Ադրբեջանական լրատվամիջոցների փոխանցմամբ՝ Ալիևը հայտարարել է, թե Բաքուն պատրաստակամ է Հայաստանի հետ խաղաղության պայմանագիր կնքել։
«Մենք այսօր քննարկել ենք իրավիճակը տարածաշրջանում, Հայաստանի և Ադրբեջանի միջև հարաբերությունների կարգավորումը։ Ես գիտեմ, որ Ադրբեջան այցից հետո Դուք այցելելու եք Հայաստան։ Այսպիսով՝ ես համոզված եմ, որ այցից հետո ամբողջական կարծիք կկազմեք իրավիճակի մասին։ Մեր դիրքորոշումը շատ բաց է․ մենք ցանկանում ենք խաղաղության պայմանագիր ստորագրել Հայաստանի հետ։ Մենք ցանկանում ենք կարգավորել հարաբերությունները և շրջել թշնամանքի էջը»,- ասել է Ալիևը։
Հավելենք, որ Լիտվայի նախագահ Գիտանաս Նաուսեդան մայիսի 19-20-ը պաշտոնական այցով ժամանելու է Հայաստան։
Էմմա Չոբանյան
