16.04.2026 | 15:44
ՀՀ-ից Ադրբեջան արտահանման որևէ դեպք չի արձանագրվել. ՊԵԿ
Միլիոնատերերի շարժում է սա, ջիպերով հեղափոխությո՞ւն են անում․ Աղասի Թադևոսյան․ ՏԵՍԱՆՅՈՒԹ
Քաղաքականություն
18.05.2022 | 21:02
Այս օրերին բռնության, ագրեսիայի պարբերական ալիքների ենք ականատես լինում մայրաքաղաքի փողոցներում ընդդիմության ակցիաների ժամանակ։ Եղել են բռնություն գործադրելու դեպքեր թե՛ ոստիկանների կողմից, թե՛ ընդդիմադիր ակտիվիստների։
Ինչո՞ւ հարյուր հազարավոր մարդիկ դուրս չեն գալիս փողոց՝ կանգնելու ընդդիմադիր այս ուժի կողքին։ Factor TV-ի հարցազրույցում ազգագրագետ Աղասի Թադևոսյանը տարբեր պատճառների շարքում առանձնացրեց հատկապես բռնի գործելակերպի փաստը, որ մարդիկ դեռ հիշում են և տեսնում են նաև հիմա։
«Ինչո՞ւ են իրենք բռնություն կիրառել, որովհետև այն տեղում են գտնվել, որը կառավարելու ուրիշ ձև չի իմացել։ Իրենք ստեղծել էին համակարգ, ուր արտոնյալ էին, և իրենք ստեղծել էին հարկադիր ենթակայական տիպի համակեցություն։ Մարդկանց իրենց տիպի մեջ էին պահում՝ հարկադիր բռնության մեթոդներ կիրառելով՝ պետական ինստիտուտների իշխանության գործադրմամբ։ Սովորական մարդիկ չեն մոռացել դա»,- ասաց ազգագրագետը։
Նա վերապատմեց տաքսի մեքենայի վարորդի պատմությունը, մարդ, որին «ոսկե համարներով» թանկարժեք մեքենայի վարորդն անտեղի հայհոյել է, և նա չի կարողացել պատասխանել՝ վախեցել է․ «Մարդն ասում է՝ լավ է, որ անցել է այդ մթնոլորտը, բայց չենք մոռացել այդ օրերը, ասում է՝ կարո՞ղ է՝ չենք ճանաչում, թե ովքեր են այդ մարդիկ։ Թանկանոց ջիպով ի՞նչ հեղափոխություն»։
Քաղաքական լարված պրոցեսները լավ նյութ են ազգագրագետների համար՝ ուսումնասիրելու օգտագործվող ֆոլկլյորը, ընդ որում՝ 2008 թվականից մինչ օրս եղած շարժումներին հատուկ։
«Հետաքրքիր են հումորային ակցիաները։ Այսօր հումոր անում է հասարակությունը այդ չակերտավոր միտինգավորների վրա, ի՞նչ է սկսել անվանել ժողովուրդն այդ շարժմանը, դուք լսե՞ք եք, որ ասում են «միլիոնատերերի հեղափոխություն, շարժում»։ Այս երկու բառը բավարար է՝ հասկանալու համար, թե ինչպիսին է մարդկանց իրական վերաբերմունքը այս շարժմանը։ Ես չեմ ընդունում, որ իրենք քաղաքացիական ուժեր են, չեն ներկայացնում քաղաքացիների խնդիրները և նրա տեսանկյունը։ Ինչո՞ւ է այս շարժումը բռնություն կիրառում, որովհետև մարդկանց հետ փոխհարաբերվելու ուրիշ ձև չգիտի»,- ասաց Աղասի Թադևոսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
