16.01.2025 | 09:53
«Հայաստան-ԵՄ ռազմավարական գործընկերության խթանումը Վիշեգրադյան քառյակի փորձի հիման վրա». ՈՒՂԻՂ
ԵՄ-ն կողմ է տարածաշրջանում երկարաժամկետ խաղաղության և կայունության հաստատմանը․ Ադրբեջանում ԵՄ դեսպան
Քաղաքականություն
17.05.2022 | 15:43
Եվրոպական միությունը շահագրգռված է Հարավային Կովկասում կայունությամբ։ Ադրբեջանական լրատվամիջոցների հաղորդմամբ՝ այս մասին հայտարարել է Ադրբեջանում ԵՄ ներկայացուցչության ղեկավար Պետեր Միխալկոն Բաքվում անցկացվող «ԵՄ-Ադրբեջան» բիզնես ֆորումի ընթացքում։
«Մենք կողմ ենք տարածաշրջանում երկարաժամկետ խաղաղության և կայունության հաստատմանը: Եվրամիությունն իր ներդրումն է ունենում է այս խնդրում՝ աջակցելով հակամարտությունից տուժած տարածաշրջաններում իրականացվող նախագծերին: Մենք նաև աջակցում ենք հետհամաճարակային վերականգնմանը»,- ասել է դեսպանը։
Նա նշել է, որ նման բիզնես ֆորումները նպաստում են Ադրբեջանի և ԵՄ-ի միջև համագործակցության ամրապնդմանը և թույլ են տալիս ստեղծել ավելի բարենպաստ բիզնես միջավայր։
Բացի այդ, Միխալկոն ասել է, որ ԵՄ-ն աջակցում է Արցախի գրավյալ տարածքների վերականգնման ու ականազերծման աշխատանքներին։ ԵՄ-ից հարյուրավոր ընկերություններ շահագրգռված են հակամարտությունից տուժած տարածքների վերակառուցմամբ։ Դեսպանը հայտնել է, որ ԵՄ-ն պատրաստ է համագործակցել Ադրբեջանի հետ «խելացի գյուղ» նախագծի իրագործման, կանաչ էներգետիկայի և գյուղատնտեսության զարգացման շրջանակում։
Էմմա Չոբանյան
